«Ździełka jość ździełka». Ursuła fon der Lajen nahadała Trampu pra niadaŭniuju handlovuju damovu
Kiraŭnica Jeŭrakamisii Ursuła fon der Lajen prakamientavała niadaŭniuju pahrozu Donalda Trampa pavysić myty na jeŭrapiejskija aŭtamabili, zajaviŭšy, što Jeŭrasajuz hatovy da luboha raźvićcia padziej, piša Euronews.
Fon der Lajen padkreśliła, što pamiž Jeŭrasajuzam i ZŠA ŭžo jość dasiahnutyja damoŭlenaści, jakija treba vykonvać, pieradusim zaklučanaje ŭ minułym hodzie ŭžo z administracyjaj Trampa handlovaje pahadnieńnie:
«Ździełka jość ździełka, i my jaje zaklučyli. I sutnaść hetaj ździełki — roskvit, ahulnyja praviły i nadziejnaść», — zajaviła fon der Lajen u aŭtorak u Armienii.
Tamu Jeŭrasajuz raźličvaje na vykanańnie raniej uzhodnienych damoŭlenaściaŭ.
Raniej Tramp pryhraziŭ pavysić taryfy na aŭtamabili ź ES z 15% da 25%, abvinavaciŭšy Jeŭropu ŭ parušeńni damoŭlenaściaŭ.
U adkaz fon der Lajen adznačyła, što ŭ ZŠA jość abmiežavańni, jakija nie dazvalajuć samastojna pavialičvać myty vyšej za peŭny ŭzrovień.
Jana taksama paviedamiła, što ŭ ES znachodzicca na zaviaršalnaj stadyi realizacyi častki handlovaha pahadnieńnia, jakaja praduhledžvaje skasavańnie taryfaŭ na šerah amierykanskich tavaraŭ. Adpaviedny zakon jašče razhladajecca ŭ Jeŭraparłamiencie.
Jeŭrapiejski bok ciapier patrabuje ad Vašynhtona tłumačeńniaŭ adnosna novych pahroz i adnačasova zajaŭlaje, što hatovy adkazać u vypadku ŭviadzieńnia dadatkovych mytaŭ.
Tramp abviaściŭ novuju handlovuju vajnu Jeŭropie
«Značna bolš za 5000». Tramp kaža, što Hiermaniju pakinuć kudy bolš amierykanskich sałdat, čym mierkavałasia
Tramp paraiŭ Miercu zaniacca Ukrainaj i Hiermanijaj, a Starmieru — brać prykład z Karła III
Jak pahroza z boku Rasii zrabiła Hiermaniju viadučaj vajskovaj siłaj Jeŭropy
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary