Pradstaŭniki śpiecsłužbaŭ Rasii pieradavali ŭładam Bielhii infarmacyju ab padrychtoŭcy ataki tryma bajevikami ID, siarod jakich dvoje bratoŭ ź Biełarusi. Pa dadzienych krynicy, Ivan i Alaksiej Doŭbašy ŭ supravadžeńni suajčyńnika Marata Junusava pry kancy lutaha vyjechali ŭ Bielhiju, piša blizki da rasijskich śpiecsłužbaŭ sajt Łajfńjus.
— Viadoma, što 27-hadovy Alaksiej Doŭbaš pieršy pryniaŭ isłam i pačaŭ kamunikavać z radykałami. Pad upłyvam starejšaha brata radykalnymi płyniami pačaŭ cikavicca i jaho małodšy brat — 23-hadovy Ivan, — adznačaje krynica LifeNews.
Pa dadzienych siłavikoŭ, braty dałučylisia da atrada terarystaŭ u Siryi i paśla prachodžańnia bajavoj padrychtoŭki vylecieli ŭ ES.
Sieryja teraktaŭ adbyłasia ŭ bielhijskaj stalicy siońnia ranicaj. Ab vybuchach u mižnarodnym aeraporcie Brusela vidavočcy paviedamili kala 10:20. Pieršy ź ich prahrymieŭ u budynku pavietranaj havani, a druhi adbyŭsia na ŭźlotnaj pałasie. Kolkaść paciarpiełych idzie na dziasiatki.
Taksama adbyŭsia vybuch u mietro Brusela.
Pres-sakratar KDB Dźmitryj Pabiaržyn paćvierdziŭ, što braty Alaksiej i Ivan Doŭbašy, jakich padazrajuć u arhanizacyi teraktaŭ u Bruseli, sapraŭdy pachodziać ź Biełarusi.
«Tak, jany ŭradžency Biełarusi. KDB viadoma pra ich isnavańnie, u dačynieńni hetych asob viadziecca pravierka», — skazaŭ sp.Pabiaržyn.
Adnosna ich datyčnaści da teraktaŭ KDB infarmacyi nie kamientuje.
Ciapier čytajuć
«Kali mnie prylacić, ja hatovaja». Nasta Rahatko — pra seks-scenu ŭ svajoj knizie, prarasijskich svajakoŭ, Hajun i Matolku27
Kamientary