Spačatku ŭ aeraporcie Zavientem, što ŭ Bruseli, kala 8:00 pa miascovym časie (10:00 pa Minsku) prahučaŭ dvajny vybuch. 13 čałaviek zahinuli, dziasiatki paranienyja, paviedamlajuć bielhijskija ŚMI.
Vybuchi prahučali ŭ zonie adlotaŭ, kala hiejta kampanii American Airlines.
Aeraport začynieny, samaloty spynienyja, ich matory vyklučanyja, spyniŭsia ruch ciahnikoŭ da aeraporta. Pierakrytaja aŭtastrada na Zavientem.
Rejsy prybyćcia skiroŭvajuć u inšyja aeraporty, u pryvatnaści, Maastrycht.
U aeraporcie vyjaŭlenaja treciaja vybuchovaja pryłada, jakaja nie paśpieła razarvacca.
Deux explosions dans le hall des départs à… dh_be
Paźniej u mietro Brusela taksama prahrymieli dva vybuchi.: na stancyjach Malbiek, pobač ź jakim znachodziacca instytuty ES, i Šuman. Na ŭsich stancyjach mietro Brusela pravodzicca evakuacyja.
Paviedamlajecca pra 10 zahinułych.
U sacyjalnaj sietcy Twitter ludzi vykładvajuć fatahrafii mietro z nadpisami: «Vybuch u Malbiek la jeŭrakvartała».
Pradstaŭniki śpiecsłužbaŭ RF pieradavali ŭładam Bielhii infarmacyju ab padrychtoŭcy ataki tryma bajevikami ID, siarod jakich dvoje bratoŭ ź Biełarusi.
Pa dadzienych krynicy, Ivan i Alaksiej Doŭbašy ŭ supravadžeńni suajčyńnika Marata Junusava ŭ kancy lutaha vyjechali ŭ Bielhiju.
— Viadoma, što 27-hadovy Alaksiej Doŭbaš pieršy pryniaŭ isłam i pačaŭ kamunikavać z radykałami. Pad upłyvam starejšaha brata radykalnymi płyniami pačaŭ cikavicca i jaho małodšy brat — 23-hadovy Ivan, 0- adznačaje krynica LifeNews.
Pa dadzienych siłavikoŭ, braty dałučylisia da atrada terarystaŭ u Siryi i paśla prachodžańnia bajavoj padrychtoŭki vylecieli ŭ ES.
Pres-sakratar KDB Dźmitryj Pabiaržyn paćvierdziŭ, što braty Alaksiej i Ivan Doŭbašy, jakich padazrajuć u arhanizacyi teraktaŭ u Bruseli, sapraŭdy pachodziać ź Biełarusi.
«Tak, jany ŭradžency Biełarusi. KDB viadoma pra ich isnavańnie, u dačynieńni hetych asob viadziecca pravierka», — skazaŭ sp.Pabiaržyn.
Terarystyčnaja hrupoŭka «Isłamskaja dziaržava» ŭziała na siabie adkaznaść za terakty ŭ Bruseli, paviedamlaje ria.ru.
Pavodle apošnich źviestak, zahinuli 26 čałaviek, niekalki dziasiatkaŭ paranienyja.
Kamientary