Štučny intelekt, razumnyja harady, cyrkularnaja ekanomika — što nas čakaje ŭ budučyni?

Latučy ŭniviersitet i Centr jeŭrapiejskaj transfarmacyi ŭ miežach cykłu publičnych lekcyj «Ujaŭlajučy Biełaruś: idei i vobrazy dla supolnaj budučyni» pradstaŭlajuć lekcyju Uładzimira Batajeva «Novyja kropki adliku i pierśpiektyŭnyja scenary raźvićcia budučyni».

Budučynia ŭžo tut. Jana prosta nieraŭnamierna raźmierkavana

Uiljam Hibsan

My žyviom u časy, kali hrań pamiž navukovaj fantastykaj i realnaściu chutka mianiajecca. Technałahičny prahres, ruchomy inavacyjami i mahčymaściami, siońnia vystupaje nieabchodnym fundamientam raźvićcia krainaŭ, ale taksama i tym čyńnikam, jaki niepaźbiežna ŭpłyvaje na čałavieka, jaho asiarodździe. Adnojčy hetyja technałohii mohuć sapraŭdy źmianić naš śviet da niepaznavalnaści – i toje, što ciapier usprymajecca jak utopija, stanie realnaściu našaha siońnia. Heta adnačasova zachaplaje, ale i pužaje. Jak pierśpiektyŭnyja technałohii paŭpłyvajuć na našu budučyniu? Jakija sacyjalnyja nastupstvy nas čakajuć? Ci nie pahražaje heta pryvatnamu žyćciu čałavieka, jaho indyvidualnaści? Ci nie stanie historyja evalucyi technałahičnaha pracesu historyjaj čałaviečych projhryšaŭ? Ci źniavolać čałavieka mašyny, ci ŭsio ž isnuje šaniec adbicca?

Prapanujem razvažać nad hetymi pytańniami, ujaŭlajučy budučyniu novych technałohij razam z praktykujučym futurołaham Uładzimiram Batajevym. U miežach cykła «Ujaŭlajučy Biełaruś: idei i vobrazy dla supolnaj budučyni» Latučy ŭniviersitet i Centr jeŭrapiejskaj transfarmacyi zaprašajuć na jaho publičnuju lekcyju «Novyja kropki adliku i pierśpiektyŭnyja scenary raźvićcia budučyni», jakaja adbudziecca

6 traŭnia a 18.30 u kanfierenc-zali biznes-kłuba «Imaguru» (vuł. Fabrycyusa, 4).

U lekcyi razhladajucca najbolš supiarečlivyja i adnačasova šmatabiacajučyja napramki raźvićcia sučasnych technałohij: ad štučnaha intelektu da razumnych haradoŭ, ad internetu rečaŭ da cyrkularnaj ekanomiki, a taksama abmiarkoŭvajecca ich upłyŭ na paŭsiadzionnaje žyćcio asobnaha čałavieka i hramadstva ŭ cełym.

Uvachod volny!

Infarmacyja pra lektara:

Uładzimir Batajeŭ źjaŭlajecca kiraŭnikom adździeła «razumnych haradskich rašeńniaŭ» u EsperantoXL - hałandskim sistemnym intehratary i raspracoŭščyku razumnych rašeńniaŭ u halinie transpartu dy łahistyki, a taksama ŭ inšych siehmientach razumnaha horada. Jon pracavaŭ z municypalitetami, architekturnymi firmami i firmami, jakija zajmajucca haradskim płanavańniem, a taksama ź inavacyjnymi kłastarami ŭ Finlandyi, Małajzii, Niderłandach, AAE i Vialikabrytanii. Jaho ŭvaha zasiarodžana na vyjaŭleńni kankretnych miascovych haradskich prablem, jakija mohuć być chutka vyrašany z dapamohaj razumnych haradskich rašeńniaŭ, ich realizacyi i stvareńni vyraznych kanałaŭ suviazi dla hramadzian, jakija dapamahajuć być upeŭnienymi, što hramadzianie atrymlivajuć adčuvalnyja vyhody, i što jakaść ich žyćcia palapšajecca.

• 0
• 0
• 0
• 0
• 0
• 0
• 0
• 0