Latučy ŭniviersitet
Mižnarodny kansorcyum «JeŭraBiełaruś»
zaprašajuć
MAKSIM ŽBANKOŬ, PAVAŁ BARKOŬSKI
SUČASNAJE BIEŁARUSKAJE MYŚLEŃNIE: ASOBY, TEKSTY, KANTEKSTY
prezientacyja antałohii «Kod prystunaści» i zbornika «Cytuj svajo»
9 listapada, Homiel, Tajm-kłub «Fłet», 18.00
9 listapada Latučy ŭniviersitet i Mižnarodny kansorcyum «JeŭraBiełaruś» zaprašajuć na sustreču ź fiłosafami Maksimam Žbankovym i Paŭłam Barkoŭskim, padčas jakoj buduć prezientavanyja vydavieckija prajekty Hodu biełaruskaha myśleńnia — Antałohija «Kod prysutnaści» i zbornik «Cytuj svajo». Impreza adbudziecca ŭ homielskim Tajm-kłubie «Fłet», pačatak a 18.00.
Nievialički, amal kišenny varyjant zbornika «Cytuj svajo» paŭstaŭ u lutym 2016 hodu jak vynik pracy šerahu hramadskich arhanizacyj i inicyjatyŭ, jon pradstaŭlaje saboj zbor cytataŭ biełaruskich myślaroŭ, mastakoŭ, kulturnych i hramadskich dziejačoŭ. Antałohija biełaruskaha myśleńnia «Kod prysutnaści», vydadzienaja Latučym ŭniviersitetam i Biełaruskim Kalehijumam, pabačyła śviet u krasaviku 2016 hodu. Sabranyja ŭ joj amal dva tuziny tekstaŭ samych roznych žanraŭ i stylaŭ stvarajuć panaramu imionaŭ, dumak, kanceptaŭ, jakija vyznačali intelektualny pošuk biełarusaŭ za apošnija 15 hod. Roznyja pa farmacie i źmieście, hetyja dva vydavieckija prajekty kožny pa-svojmu pradjaŭlajuć biełaruskuju dumku šyrokamu kołu hramadstva i robiać myśleńnie faktam i padziejaj biełaruskaj kultury. I kožny ź ich zadaje asablivuju optyku našaha pohladu na intelektualnaje žyćcio novaha tysiačahodździa.
Jakoje jano - sučasnaje biełaruskaje myśleńnie? Jakija idei i admietnaści zadajuć jaho styl, vyznačajuć jaho «biełaruskaść» i «sučasnaść»? Jakija hieroi, znakavyja padziei stvarajuć raznastajnaść źmiestu? Jakija temy najbolš chvalujuć intelektuałaŭ?
Pasprabujem šukać adkazy na hetyja pytańni, razvažać i spračacca pra pakručasty los myśleńnia, pra jaho paŭstavańnie i staleńnie ŭ hutarcy z tymi, chto niepasredna stvaraje prastoru myśleńnia — aŭtarami tekstaŭ, inicyjatarami cikavych intelektualnych prajektaŭ i ŭdzielnikami šmatlikich dyskusij: kulturołaham i fiłosafam Maksimam Žbankovym i fiłosafam Paŭłam Barkoŭskim. Impreza adbudziecca 9 lutaha ŭ homielskim Tajm-kłubie «Fłet» (vuł. Hałavackaha, 19, hatel «Nadzieja», 2-hi pavierch), pačatak a 18.00.
Zaprašajem usich zacikaŭlenych dałučycca da padziei!
Na prezientacyi možna budzie nabyć Antałohiju, a aŭtary samych cikavych pytańniaŭ fiłosafam atrymajuć u padarunak zbornik «Cytuj svajo».
Kaardynatar sustrečy ŭ Homieli - Jaŭhien Mierkis: +375447494166
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina19
Kamientary