Prezientacyja knihi «Marginalis» adbudziecca 19 listapada ŭ 17:00 ŭ prastory «Vierch» pa adrasie Kujbyšava 22, 6 pavierch (6 korpus zavoda Haryzont). U prezientacyi voźmuć udzieł viadomyja biełaruskija piśmieńniki i muzyki.
Marginalis — nasyčany i zachaplalny fiłasofski raman, dziejańni jakoha achoplivajuć bolš za čatyrysta hadoŭ, paŭtary sotni piersanažaŭ i dziasiatak krainaŭ. Heta pazł z mnostva siužetnych linij i fiłasofskich dy psichałahičnych matyvaŭ, jakija składajucca ŭ adno cełaje.
Dziejańni ramana razhortvajucca vakoł uładalnikaŭ staražytnaj zahadkavaj knihi. U pošukach svajho «ja» hieroi ramana prychodziać da razumieńnia, što časam nie mienšaje značeńnie maje toje, što znachodzicca na palach, nie ŭ centry. Za miežami historyi, žyćcia, uvahi.
Raman «Marginalis» byŭ pryznany samym nasyčanym tvoram biełaruskaj litaratury. U ramanie abjomam 251 944 znaka sustrakajecca nie mienš za 136 piersanažaŭ. Rekord byŭ zafiksavany biełaruskim anałaham Knihi rekordaŭ Hinesa — prajektam «Rekordy Kufara».
Sačyć za navinami pra raman možna pa cheštehu #Marginalis
Źviestki pra aŭtara:
Kirył Stasielka naradziŭsia ŭ Barysavie. U 2013 skončyŭ fakultet fiłasofii i sacyjalnych navuk BDU pa śpiecyjalnaści «Sacyjałohija», u 2014 — mahistraturu Instytuta padrychtoŭki navukovych kadraŭ pry NAN RB. Źjaŭlajecca vypusknikom Biełaruskaha kalehiuma, Latučaha ŭniviersiteta, Škoły maładoha piśmieńnika pry HA «Sajuz biełaruskich piśmiennikaŭ» i Škoły maładych mieniedžaraŭ publičnaha administravańnia (Biełaruś, Šviecyja).
Na dadzieny momant navučajecca ŭ aśpirantury Akademii navuk, źjaŭlajecca dyrektaram «Ahienctva infarmacyjnych technałohij «Bucefał», kiraŭnikom internet-časopisa infographer.by i kaardynataram prajekta «Narodny žurnalist».
Publikavaŭsia ŭ takich časopisach, jak «Dziejasłoŭ», «Maładość», «Pamiž», «pARTtisan», a taksama ŭ zborniku «Parachodzik sučasnaści».
Papiaredniaja kniha Kiryła Stasielki «Dziciačy manifiest» vyjšła letaś dy była naminavanaja na šerah litaraturnych premij, u pryvatnaści, trapiła ŭ šort-list premii «Debiut» i łonh-list «Hiedrojca».
Ciapier čytajuć
Łukašenka zajaviŭ pra hatoŭnaść pryjechać u Kijeŭ68
Kamientary