Uviečary 19 maja z padačy byłoha palitźniavolenaha Pilipa Šaŭrova raspaŭsiudziłasia infarmacyja pra hibiel na froncie va Ukrainie 23‑hadovaha biełaruskaha dobraachvotnika Cichana Klukača. Ale dakładnaj infarmacyi pra heta niama. Jak raskazaŭ vydańniu «Lusterka» pradstaŭnik Abjadnanaha pierachodnaha kabinieta Biełarusi pa abaronie Vadzim Kabančuk, u 3‑j asobnaj šturmavoj bryhadzie USU, dzie słužyć Klukač, jon ličycca źnikłym bieź viestak.
«Nakolki mnie viadoma, u bryhadzie jon ličycca źnikłym bieź viestak, tamu niemahčyma zaraz skazać, što jon zahinuŭ. Pakul nie budzie aficyjnaha paviedamleńnia ad bryhady, dzie jon słužyŭ, i pa maralnych, i pa čałaviečych kaštoŭnaściach my nie možam pra heta kazać», — adznačyŭ Kabančuk.
Kali i pry jakich abstavinach źnik Klukač, nieviadoma. Kabančuk nie zmoh ni paćvierdzić, ni abvierhnuć datu 9 maja, pra jakuju pisaŭ toj ža Šaŭroŭ.
Pa słovach Kabančuka, status «źnikły bieź viestak» — vielmi šyrokaje paniaćcie.
«Čałaviek moža być biez suviazi, moža być jakaja-niebudź adrezanaja pazicyja, dzie składana z kamunikacyjami. Jon moža być u pałonie. Kali z čałaviekam niešta zdaryłasia, adbyvajucca abmieny ciełami, i ŭžo potym identyfikujuć čałavieka, chto jon na samoj spravie, i paćviardžajuć fakt hibieli».
Što z 23‑hadovym dobraachvotnikam i byłym palitviaźniem Cichanam Klukačom? Voś što viadoma na hety momant
22‑hadovy kalinoviec Cichan «Franc» Klukač atrymaŭ kantuziju
«Inšych šlachoŭ, akramia siłavoha, u nas zaraz niama». Były palitźniavoleny Cichan Klukač pra rasčaravańnie ŭ mirnym prateście i štabach Cichanoŭskaj i Babaryki
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy25
Kamientary