17‑hadovaha błohiera Michaiła Drahuna, jaki źbiraŭ hrošy dla lačeńnia Vani Ściacenki, buduć sudzić. A jahonuju 37‑hadovuju siabroŭku — nie
U Hrodnie buduć sudzić 17‑hadovaha błohiera Michaiła Drahuna, jakoha abvinavačvajuć u niezakonnym vykarystańni hrošaj, sabranych na lačeńnie 9‑hadovaha Vani Ściacenki, paviedamlaje BiełTA. U kancy minułaha hoda heta historyja nabyła vialiki rezanans.
Pavodle materyjałaŭ śledstva, 17‑hadovy junak prapanavaŭ maci chvoraha 9‑hadovaha chłopčyka dapamohu ŭ zbory srodkaŭ praz svoj Instagram. Adnak kali hrošy pačali pastupać, jon vyrašyŭ vykarystoŭvać ich ułasnych metach.
Dla zboru jon zadziejničaŭ niekalki SIM-kart i bolš za 20 bankaŭskich rachunkaŭ, jakija jamu dali znajomyja i rodnyja. Taksama jon pryciahnuŭ da arhanizacyi zboru svaju 37‑hadovuju siabroŭku-błohierku Jaŭhieniju Tarasienku. Raniej jany zatrymlivalisia pa hetaj spravie razam, ale ciapier śćviardžajecca, što žančyna nie viedała pra sapraŭdnyja namiery junaka.
U vyniku na ŭsie rachunki pastupiła bolš za 2 miljony rubloŭ. Adnak zamiest dapamohi dziciaci značnuju častku hetych hrošaj chłopiec vydatkavaŭ na asabistyja patreby: darahoje žyllo, restarany, zabavy, padarožžy i padarunki padpisčykam dla raźvićcia svajho akaŭnta. Na lačeńnie chłopčyka była pieradadziena tolki nievialikaja častka srodkaŭ.
Akramia hetaha, śledstva vyjaviła jašče adzin epizod: błohier nibyta apublikavaŭ u sacsietkach chłuślivuju infarmacyju pra svaju znajomuju, abvinavaciŭšy jaje ŭ kradziažy hrošaj. Tak jon adpomściŭ joj za toje, što jana admoviłasia pieradać jamu dostup da srodkaŭ.
Pa vynikach rasśledavańnia Michaiłu Drahunu vystavili abvinavačańnie pa dvuch artykułach Kryminalnaha kodeksa: č. 2 art. 216 (pryčynieńnie majomasnaj škody biez prykmiet kradziažu, učynienaje šlacham atrymańnia majomasnaj vyhady ŭ vyniku padmanu i złoŭžyvańnia davieram, na vialikuju sumu) i art. 188 (paklop). Jon uziaty pad vartu, sprava ŭžo pieradadziena ŭ sud.
Pry hetym kryminalny pieraśled u dačynieńni da Jaŭhienii Tarasienki spynili, bo jaje ŭdzieł u złačynstvie nie paćvierdziŭsia.
Zbor dla Vani Ściacenki paśla zakryli hrašyma z aryštavanych srodkaŭ błohieraŭ. Paśla chłopčyk prachodziŭ lačeńnie ŭ Dubai.
Chto tyja 17‑hadovy błohier i jaho 37‑hadovaja niaviesta, jakija šykoŭna žyli na miljon, skradzieny sa zboru na chvoraje dzicia?
Maci chłopčyka z Hrodna, jakomu dapamahali źbirać hrošy zatrymanyja błohiery: Jany pieradali nam 257 tysiač, dla nas heta vielizarnyja hrošy
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci
Błohier z Hrodna, jakoha abvinavacili ŭ machlarstvie na hrašach dla chvoraha dziciaci, u instahramie prakamientavaŭ svaju spravu
17‑hadovy błohier, jaki šykavaŭ na hrošy sa zboru na chvoraje dzicia, znoŭ źbirajecca razyhryvać ajfony
Siamja Vani Ściacenki, jaki prachodziŭ reabilitacyju ŭ Dubai, terminova viarnułasia damoŭ
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam5
Kamientary