Z 24 pa 27 listapada 2016 hoda prajekt Cinemascope pradstaŭlaje ŭ małoj zale kinateatra «Rakieta» prahramu filmaŭ «Instytut kultury», pryśviečanuju znakavym kulturnym instytucyjam sučasnaj Francyi.
Dvoje metraŭ dakumientalnaha kino — francuz Nikala Filibier i amierykaniec Frederyk Uajźmien — adkryvajuć pierad hledačom dźviery Łuŭra, Doma radyjo, teatraŭ «Hrand-opiera» i «Kamiedzi Fransez», zanatoŭvajučy na kamieru ŭsiu miechaniku ich paŭsiadzionnaha žyćcia.
Pakazy arhanizavanyja pry padtrymcy Pasolstva Francyi ŭ Respublicy Biełaruś, francuzskaha instytuta ŭ Paryžy i Miesiaca dakumientalnaha kino (Francyja).
24 listapada (čaćvier) 19:00
Horad Łuŭr | La ville Louvre
Francyja, 1990, 81 chv.
Režysior: Nikala Filibier
Što adbyvajecca ŭ Łuŭry, kali jon začyniaje svaje dźviery dla publiki? Dakumientalny film scenarysta i režysiora Nikala Filibiera raspaviadaje pra zakulisnaje žyćcio hałoŭnaha muzieja Francyi padčas maštabnaj rekanstrukcyi ŭ druhoj pałovie 80-ch hadoŭ, kali ŭ dvary Łuŭra była ŭźviedzienaja šklanaja piramida — samy sprečny jaho elemient. U fokusie ŭvahi Filibiera akazvajucca nie najvialikšyja tvory mastactva, a žychary, jakija nasialajuć «horad Łuŭr» — nahladčyki, hruzčyki, kuratary, restaŭratary i mnohija inšyja.
25 listapada (piatnica) 19:00
Dom radyjo | La Maison de la radio
Francyja — Japonija, 2013, 98 chv. Režysior: Nikala Filibier
Apovied pra pracu Radio France: dvaccać čatyry hadziny z žyćcia radyjostancyi, ad rana da rana, ceły śviet, zvyčajna ŭtojeny ad pohladu słuchačoŭ, bo sama pryroda radyjo — huk — zaŭsiody zastajecca niabačnaj. Pa słovach režysiora, mienavita žadańnie prakraścisia ŭ tajamnicy efiru prymusiła jaho źviarnucca da temy radyjo. I choć tut niama suchich ličbaŭ, kali byŭ pabudavany budynak, i inšych histaryčnych ekskursaŭ, za paŭtary hadziny hledačy atrymlivajuć vyčarpalnuju infarmacyju pra toje, jak robicca hramadskaje radyjo u Piataj respublicy.
26 listapada (subota) 18:00
Taniec. Balet Paryžskaj opiery | La Danse, le ballet de l'Opéra de Paris
Francyja — ZŠA, 2009, 158 chv. Režysior: Frederyk Uajźmien
Kłasik amierykanskaj dakumientalistyki Frederyk Uajźmien sa svajoj kamieraj pranikaje ŭ śviataja śviatych — u balet Paryžskaj opiery. Pierad nami prachodzić usio žyćcio trupy — ad šviejnaj majsterni da bliskučaha vychadu pryma-baleryny i jaje partniora. Film adkryvaje tajamnicy samaj prestyžnaj baletnaj ścieny śvietu i raspaviadaje ab stvareńni siami ŭnikalnych śpiektaklaŭ, siarod jakich «Pieśnia Miedei» Anželena Prelžakaža, «Dom Biernarda» Matsa Eka, «Arfiej i Eŭrydyka» Piny Baŭš, «Ramea i Džuljeta» Sašy Valc.
27 listapada (niadziela) 18:00
«Kamiedzi Fransez», abo Luboŭnaja hulnia | La Comédie-Française ou L'amour joué
Francyja — ZŠA 1996 hoda, 223 chv. Režysior: Frederyk Uajźmien
«Kamiedzi Fransez» — najstarejšy ŭ śviecie repiertuarny teatr, zasnavany ŭ Paryžy ŭ kancy XVII stahodździa. Upieršyniu režysioru-dakumientalistu pradastaŭlajecca mahčymaść detalova vyvučyć usie aśpiekty dziejnaści vialikaj teatralnaj kampanii. Biesstarońniaja kamiera fiksuje vybar litaraturnaj asnovy śpiektakla, raźmierkavańnie rolaŭ, vyrab dekaracyj i kaściumaŭ, administracyjnyja schody, repietycyi i pastanoŭki čatyroch kłasičnych pjes — «Don Žuana» Maljera, «Fivaidy» Rasina, «Padvojnaj źmienlivaści» Maryvo i «Zajmisia Amieli» Fiejdo.
Usie filmy demanstrujucca na movie aryhinału z ruskimi subtytrami.
Usie filmy demanstrujucca ŭ małoj zale «Rakiety».
Cana kvitka: ad 3.5 b.r. (35.000). Kvitki možna kupić u kasie kinateatra abo anłajn.
Kinateatr «Rakieta»: h. Minsk, zavułak Rabočy, 3 (st.m. Praletarskaja)
Usie naviny Cinemascope ŭ sacyjalnych sietkach:
https://www.facebook.com/cinemascope.by
http://www.vk.com/cinemascope_by
Ciapier čytajuć
Łukašenka zajaviŭ pra hatoŭnaść pryjechać u Kijeŭ70
Kamientary