24 i 25 śniežnia za niekalki krokaŭ ad hałoŭnaj jalinki krainy projdzie kaladny markiet «Prastora dobrych padarunkaŭ»! Zusim pobač z Pałacam Respubliki, u samym centry stalicy — u handlovym centry «Kupałaŭski», — na praciahu dvuch dzion z 11.00 da 19.00 projdzie maštabny pieradnavahodni kirmaš ź biełaruskaj dušoj!
Akramia ŭłasna handlovaj častki, vas čakajuć litaraturna-muzyčnaja i zabaŭlalnaja prahramy, značny akcent u jakich budzie zrobleny na dzietak: pačastunki, zabavy i hulni, fotazona, majstar-kłasy ad majstroŭ-ramieśnikaŭ, nastolnyja hulni, vieršy i pieśni dla dzietak, a taksama mahčymaść nabyć admietnyja i zapaminalnyja padarunki!
U litaraturnaj prahramie — vystupy viadomych biełaruskich piśmieńnikaŭ i paetaŭ, aŭtohraf-siesii i prezientacyi knih. U muzyčnaj prahramie — vystupy viadomych biełaruskich bardaŭ, muzykaŭ i kalektyvaŭ. U miežach kaladnaha markietu «Prastora dobrych padarunkaŭ» my źbirajem dla vas usio samaje lepšaje, što zroblena biełarusami i dla biełarusaŭ, nie zabyvajučy, viadoma, i pra našych haściej! Pakolki miesca praviadzieńnia kirmašu znachodzicca ŭ samym centry stalicy, na skryžavańni ŭsich turystyčnych maršrutaŭ, a čas — nievierahodny kaladny i pieradnavahodni, my admysłova rychtujem prahramu našaha śviata tak, kab kožny znajšoŭ u im dla siabie štości cikavaje!
Pravodzić kaladny markiet kulturnickaja kampanija «Biełaruskaja prastora». Uvachod na ŭsie mierapryjemstvy kaladnaha markietu «Prastora dobrych padarunkaŭ» volny!
Bolš infarmacyi tut.
Ciapier čytajuć
Łukašenka zajaviŭ pra hatoŭnaść pryjechać u Kijeŭ68
Kamientary