Kampanija Waymo, jakaja zajmajecca raspracoŭkaj bieśpiłotnaha aŭtamabila dla Google, pry kancy studzienia pačnie pieršyja publičnyja vyprabavańni svajho minivena. Vykanaŭčy dyrektar Waymo Džon Kraŭčyk (John Krafcik) paviedamiŭ, što pieršyja testy adbuducca ŭ Kalifornii i Aryzonie.
Bieśpiłotnik Waymo, zrobleny na bazie aŭtamabila Chrysler Pacifica, byŭ upieršyniu prezientavany na Detrojckaj mižnarodnaj aŭtavystavie.
Kampanija Waymo była farmalna zasnavana i vyłučana z padraździaleńnia Google u asobnuju arhanizacyju 13 śniežnia 2016 hoda. Waymo płanuje praciahvać raspracoŭku bieśpiłotnych aŭtamabilaŭ, a svaje vyniki budzie prapanoŭvać bujnym vytvorcam aŭtamabilaŭ.
Džon Kraŭčyk adznačyŭ, što jany značna źnizili košt asnoŭnych kampanientaŭ sistemy i palepšyli biaśpiečnaść aŭtapiłota. Čakajecca, što da maja Google Waymo prajedzie na test-drajvach kala 4,8 młn kiłamietraŭ.
Užo ciapier cana radara, kamier, dalnamiera i inšych kamplektujučych źniziłasia ź pieršapačatkovych 75 tysiač dalaraŭ bolš čym na 90%. Kraŭčyk dadaŭ, što Google stvaryła novyja łaziernyja dalnamiery, jakija dazvalajuć bačyć ludziej i nievialikija pradmiety, jakija znachodziacca jak kala aŭtamabila, tak i na vialikaj adlehłaści ad jaho.
U najbližejšyja miesiacy stanie zrazumieła, ci sapraŭdy miniven Google Waymo stanie praryvam u prajektavańni bieśpiłotnych aŭtamabilaŭ i budzie pieršym paŭnavartasnym intehravanym rašeńniem, jakoje my pabačym na rynku.
Šmatlikija ekśpierty papiaredžvajuć, što čakać całkam bieśpiłotnych aŭtamabilaŭ na darohach u najbližejšy čas nie varta.
Naprykład, u kampanii Ford, jakaja źjaŭlajecca adnym ź lidaraŭ u bieśpiłotnych technałohijach, čakajuć, što całkam bieśpiłotnyja aŭtamabili źjaviacca nie raniej za 2021 hod.
-
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf
-
U Rasii dla Android zrabili niezvyčajnuju kłavijaturu— jana adrazu pakazvaje termin za kamientar, što vy napisali
-
Navukoŭcy razhadali tajamnicu naradžeńnia Miesiaca
Ciapier čytajuć
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary