U Dalinie caroŭ u Jehipcie archieołahi niešta znajšli, ale jašče nie viedajuć što
7 lipienia ŭ italjanskim vydańni National Geographic była apublikavanaja karotkaja natatka ab rabocie italjanskaj archieałahičnaj ekśpiedycyi ŭ jehipieckaj Dalinie caroŭ. Archieołahi i hieafiziki raspaviadajuć pra składanaści, ź jakimi jany sutykajucca pry składańni «padziemnaj karty» samaha znakamitaha niekropala ŭ śviecie. Kali nie sačyć za navinami z Daliny caroŭ, to adrazu i nie zrazumieješ, čamu nievialikaja natatka na italjanskaj pryciahnuła ŭvahu navukova-papularnaha vydańnia Live Science, a nieŭzabavie i ŭsich viadučych suśvietnych ŚMI, paviedamlaje NavukaTV.
Italjanskaja archieałahična-hieafizičnaja ekśpiedycyja — ekskluziŭny prajekt, jaki vyras ź inšaj hučnaj historyi: pošuku patajemnych pamiaškańniaŭ ŭ hrabnicy Tutanchamona.
Składańnie «padziemnaj 3D-karty» Daliny caroŭ — prajekt suśvietnaha značeńnia, tamu nie varta ździŭlacca, što kiraŭnik italjanskaj ekśpiedycyi — nie italjaniec, a sam Zachi Chavas, były hienieralny sakratar Vyšejšaj rady pa staražytnaściach Jehipta, były kiraŭnik Ministerstva jehipieckich staražytnaściaŭ.
Zhodna z Live Science, u italjanskim artykule Chavas paviedamlaje ab adkryćci novaj, raniej nieviadomaj hrabnicy ŭ Dalinie caroŭ. Redaktary navukova-papularnaha vydańnia naŭprost źviazalisia z Chavasam i atrymali ad jaho piśmovaje paćvierdžańnie: archieołahi sapraŭdy niešta znajšli. Niekalki vielmi uskosnych prykmietaŭ pakazvajuć na toje, što vyjaŭleny abjekt moža być mahiłaj Anchiesienamon, žonki Tutanchamona. Spałučeńnie hetych dvuch imionaŭ i stała padstavaj dla čarhovaj siensacyi ŭ presie.
«My ŭpeŭnienyja, što na daśledavanym učastku jość hrabnica, ale nie ŭpeŭnieny, kamu jana naležyć», — paviedamiŭ Zachi Chavas u pieršym liście vydańniu Live Science.
Pa słovach Chavasa, na abśledavanym učastku jon vyjaviŭ čatyry zakładnyja tajniki — dakładnaja prykmieta najaŭnaści hrabnicy. U Staražytnym Jehipcie pry pačatku budaŭnictva chrama ci pachavalni ŭ padmurak budučaha zbudavańnia zakładvali tajniki z pradmietami — kieramičnym posudam, ježaj, instrumientami. Heta była svojeasablivaja «budaŭničaja achviara» baham, što aznačała pačatak važnaha budaŭnictva i prośbu błasłavić pačynańnie.
Akramia vyjaŭlenych tajnikoŭ, «radar pakazaŭ na hetym učastku najaŭnaść padziemnaj struktury, jakaja moža być uvachodam u mahiłu», — paviedamiŭ Chavas.
Pa vialikim rachunku, jašče ničoha nie viadoma, raskopki mohuć zaniać niekalki hadoŭ, ale patok hipotez ab prynaležnaści patencyjnaj hrabnicy užo nie spynić. Pieršaje mierkavańnie vykazaŭ sam Chavas u pierapiscy z Live Science: hrabnica, kali jana tam jość, mahčyma, naležyć Anchiesienamon, junaj pryhažuni ź ciažkim losam.
Ciapier čytajuć
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku3
Kamientary