20 žniŭnia (13.00 — 17.00; 20.30 — 22.30) ŭ Minsku na terytoryi Vierchniaha horada adbudziecca Śviata ŭkrainskaj kultury, pryśviečanaje 26-j hadavinie Niezaležnaści Ukrainy.
Arhanizatary: Pasolstva Ukrainy ŭ Respublicy Biełaruś, Minski haradski vykanaŭčy kamitet, Respublikanski centr nacyjanalnych kultur, Biełaruskaje hramadskaje abjadnańnie ŭkraincaŭ «Vatra».
Režysior-pastanoŭščyk i viadučy — Hleb Kudrašoŭ (Ukraina).
U śviatočnym mierapryjemstvie voźmuć udzieł tvorčyja kalektyvy ŭkrainskich hramadskich arhanizacyj Biełarusi, a taksama vykanaŭcy z Ukrainy: tytulny kalektyŭ Pałtaŭskaj abłasnoj fiłarmonii, łaŭreat mižnarodnych konkursaŭ ansambl «Čuraiŭna» i jaho viadučyja salisty: narodnaja artystka Ukrainy Natalla Chamienka, a taksama Lidzija Kretava i Alaksandr Dubavy. Niepaŭtornym kałarytam narodnaj i aŭtarskaj pieśni paraduje haściej zasłužanaja artystka Ukrainy Jarasłava Rudenka.
Viačerniaja prahrama składziena z tvoraŭ załatoha fondu ŭkrainskaj estrady ŭ vykanańni ansambla «Čuraiŭna».
Arhanizatary śviata prapanujuć haściam tematyčnuju viktarynu, aryhinalnyja pryzy, nacyjanalnyja suvieniry i knihi. Niepaŭtornuju atmaśfieru śviata stvorać taksama vystava vyšyŭki i tradycyjnych ramiostvaŭ, kirmaš majstroŭ narodnaj tvorčaści, a taksama stravy ŭkrainskaj kuchni.
Kamientary