14 vieraśnia ŭ Biełaruskaj dziaržaŭnaj fiłarmonii projdzie druhi pakaz miuzikła «Čaradziej» Ramana Arłova.
Miuzikł raskazvaje ab žyćci i pryhodach Usiasłava Čaradzieja — taho samaha, što biŭsia na Niamizie ŭ 1067 hodzie i ŭmieŭ pierakidvacca ŭ vaŭka.
«Liču, što na «Čaradzieja» chacia b adzin raz pavinien schadzić kožny biełaruski školnik, asabliva staršakłaśnik. I heta tyčycca nie tolki humanitaryjaŭ. Navučency techničnych śpiecyjalnaściaŭ, jakija śpiać i bačać siabie paśpiachovymi hiejm-dyzajnierami dy ajcišnikami, zmohuć paśla naviedvańnia «Čaradzieja» pa- inšamu hlanuć na historyju Biełarusi, bo my dadali značnuju dolu mistyki ŭ hoły pierakaz historyi. Mahčyma, «Čaradziej» zmusić zadumacca toj ža «Varhiejminh» pra raspracoŭku adnamiennaj hulni pra słavutaha połackaha kniazia, a siońniašnija školniki-hledačy stanuć tymi, chto budzie prajekt technična i kreatyŭna raspracoŭvać užo praź ličanyja hady ci navat miesiacy», — kaža stvaralnik miuzikła Raman Arłoŭ.
U hetym sensie pakaz «Čaradzieja» 14 vieraśnia, jaki projdzie akurat u pačatku novaha navučalnaha hoda, dastatkova simvaličny. Sioleta śviatkujecca 950-hoddździe Minska, a mienavita imia Čaradzieja ciesna źviazana ź pieršaj zhadkaj pra horad.
Raman Arłoŭ źviartajecca praz «Našu Nivu» da ŭsich kłasnych kiraŭnikoŭ Biełarusi z prapanovaj: kali vy jašče nie vyznačylisia z kulturnaj prahramaj svaich kłasaŭ na vierasień — abaviazkova prychodźcie na «Čaradzieja» ŭ Fiłarmoniju!
* * *
Raman Arłoŭ — adzin z zasnavavalnikaŭ i aŭtar mnohich piesień hurta J:Mors, stvaralnik i pradusar prajekta «U nieskładovaje».
Premjera «Čaradzieja» adbyłasia 26 listapada 2016 hoda. Sioleta ŭ traŭni miuzikł ździejśniŭ pieršyja paśpiachovyja zamiežnyja hastroli ŭ Polščy.
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy18
Kamientary