Afrykanskaja kraina Kamory stała adnoj z samych haścinnych dziaržaŭ i terytoryj śvietu. Ab hetym paviedamlajecca na partale Passport Index.
Jana ŭznačaliła rejtynh z 103 pazicyj, jaki składaŭsia na asnovie taho, hramadzian kolkich krain kankretnaja dziaržava moža puścić bieź vizy, aformić im vizu pa prybyćci ci vydać elektronny dazvoł na ŭjezd.
Na Kamorach ablehčany paradak naviedvańnia dziejničaje dla žycharoŭ usich 198 krain śvietu. Razam ź imi pieršy radok rejtynhu dzielać Kot-dJIvuar, Hvinieja-Bisau, Madahaskar, Maldyvy, Maŭrytanija, Federatyŭnyja Štaty Mikraniezii, Mazambik, Samoa, Siejšieły, Uschodni Tymor, Tahalezskaja Respublika, Tuvału i Uhanda.
Na druhoj pazicyi — Kaba-Verde i Daminika. Tam ablehčany vizavy režym uviedzieny dla hramadzian 197 krain. Zamykaje trojku Pałau. Pakazčyk hetaj respubliki - 196 dziaržaŭ.
Čaćviortaje miesca dastałasia Džybuci, piataje — Haici (195 i 194 krainy adpaviedna). U top-10 u paradku źmianšeńnia taksama trapili Makaa (śpiecyjalny rajon KNR), Sent-Vinsent i Hrenadyny, Kambodža, Niepał i Ekvador.
Biełaruś u hetym rejtynhu na 53-m miescy, tut ablehčany ŭjezd, zhodna, z rejtynham isnuje dla naviedvalnikaŭ z 90 krain.
Ukraina — na 49-m miescy (dla 96 krain),
Estonija, Łatvija, Litva, Polšča razam z bolšaściu astatnich jeŭrapiejskich dziaržaŭ (Aŭstryja, Bielhija, Charvatyja, Čechija, Danija, Finlandyja, Isłandyja, Narviehija, Italija) raźmiaścilisia na 50-m miescy (ablehčany ŭjezd dla hramadzian 93 krain).
Rasija — na 83 miescy (dla 42 krain).
Samyja niehaścinnyja krainy: KNDR, Samali, Turkmienistan, Siryja, Afhanistan. Pradstaŭnik nivodnaj krainy nie moža pryjechać tudy prosta tak.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary