Tramp pryhraziŭ razbambić dazvańnia Iran, kali nie budzie prahresu na pieramovach
Tym nie mienš prezident ZŠA zajaviŭ pra prahres u pieramovach z «novym, bolš razumnym režymam» u Iranie.
Donald Tramp u svajoj sacsietcy Truth Social zajaviŭ pra prahrec pieramovaŭ ź Iranam i pahraziŭ novymi nastupstvami, kali Armuzski praliŭ nie budzie razbłakavany.
«ZŠA viaduć surjoznyja pieramovy z novym, bolš razumnym režymam pra spynieńnie našych vajennych apieracyj u Iranie. Dasiahnuty značny prahres, ale kali pa jakoj-niebudź pryčynie pahadnieńnie nie budzie dasiahnuta ŭ bližejšy čas (a heta, vierahodna, adbudziecca), i kali Armuzski praliŭ nie budzie nieadkładna «adkryty dla biznesu», my zavieršym naša cudoŭnaje «prabyvańnie ŭ Iranie, uzarvaŭšy i całkam źniščyŭšy ŭsie ich elektrastancyi, naftapravody i vostraŭ Chark (i, mahčyma, usie apraśnialnyja ŭstanovy!), jakija my naŭmysna jašče nie «čapali», — napisaŭ jon.
Raniej paviedamlałasia, što pieramovy pamiž ZŠA i Iranam mohuć adbycca ŭ Isłamabadzie (Pakistan) u najbližejšy čas.
Ciapier čytajuć
«Ja supracoŭnik KDB, u vas buduć prablemy». Minčanka chacieła napisać skarhu ŭ optycy, ale supracoŭnica pakazała koračku17
Kamientary
Nie śmiašycie, i tak horka ad ŭsiaho.
Jon vydatna spraŭlajecca, nie pieražyvajcie za jaho pośpiech: vajna u arabaŭ budzie doŭžycca, pakul Pucinu jana budzie patrebnaja.
A Vy padbuchtorvajecie Dzieda i jaho maładuju kamandu da hetaha zhubnaha šlachu. Zrazumieła, nie Vam tančyć apošniuju džyhu ŭ piatli i Vam ich padobna nie škada, ale Ale, u hetym artykule jość punkt - "padbuchtorvańnie da vajennaha złačynstva" i jość varyjant, što Vy skončycie žyćcio dzie-niebudź u turmie, a Vašy ŭnuki źmieniać proźvišča i vydalać usie sumiesnyja fota ź dziedam.
Heta ja da taho, što treba być aściarožnym u žadańniach i ŭ publičnych pažadańniach. Pamiatajučy ab losie radyjoviadučych "Svabodnaha radyjo i telebačańnia tysiačy ŭzhorkaŭ" u staroj dobraj Ruandzie. Treba čytać i šanavać Kryminalny kodeks Mižnarodnaha Kryminalnaha Suda.