Pratasievič padzialiŭsia, kolki hrošaj jamu treba na viasielle
«Naścia łajecca, što ja chaču pryjści na viasielle całkam u rycarskich daśpiechach».
Viadučy STB Raman Pratasievič i jaho abrańnica Nastaśsia Łabazanava vyjšli ŭ efir u tyktoku. Pratasievič padzialiŭsia płanami na viasielle.
Zaprasić źbirajucca kala 20 samych blizkich čałaviek. Patracić na śviata, pa padlikach pary, daviadziecca nie mienš za 6000 dalaraŭ.
Kali budzie viasielle, jašče nie viedajuć, bo treba nazapasić hrošy, ale spadziajucca paśpieć da kanca leta.
Pratasievič raskazaŭ i pra svaju ideju z kaściumam:
«Naścia łajecca, što ja chaču pryjści na viasielle całkam u rycarskich daśpiechach».
Naprykancy Raman skazaŭ, što jany zamovili piccu i źbirajucca hladzieć svajo lubimaje TB-šou — «Bitvu ekstrasensaŭ»
Dla Ramana Pratasieviča heta treci šlub. Nastaśsia — miedrabotnik i tarołah, pracavała ŭ elitnaj klinicy «Miersi». Da hetaha Raman dvojčy žaniŭsia z Marharytaj Hryckievič. Taja skončyła Minski miedycynski ŭniviersitet i niekatory čas pracavała pravizarkaj-receptarkaj u minskaj aptecy, a taksama rabiła raskłady na kartach taro.
Kamientary
[Zredahavana]