Usio adbyłosia ŭ noč ź piatnicy na subotu. Sałdat terminovaj słužby minskaha śpiecnaza ździejśniŭ suicyd u vajennym haradku Piečy. Jaho tudy nakiravali «na vučeńni», piša «Lusterka».
Maładoha čałavieka zvali Maksimam, jon rodam ź vioski Padkraičy Biarozaŭskaha rajona.
20‑hadovy chłopiec niadaŭna skončyŭ Biełaruskuju dziaržaŭnuju akademiju avijacyi. Tam jon vučyŭsia na adździaleńni siaredniaj śpiecyjalnaj adukacyi i atrymaŭ śpiecyjalnaść technika pa ramoncie pavietranych sudoŭ.
Maksim chacieŭ być lotčykam, ale vosieńniu minułaha hoda jamu pryjšła pozva z vajenkamata. Zdaroŭje ŭ chłopca było dobraje, tamu jamu prapanavali słužbu ŭ śpiecnazie ŭ Minsku — u vajskovaj častcy 3214, abo 3‑j asobnaj Čyrvanaściažnaj bryhadzie śpiecyjalnaha pryznačeńnia. Jana ŭvachodzić u strukturu ŭnutranych vojskaŭ. Słužyć tam Maksim pavinien byŭ paŭtara hoda.
Pavodle źviestak «Lusterka», u Piečach, dzie Maksim ździejśniŭ suicyd, jaho i sasłužyŭcaŭ nakiravali «na vučeńni». Inšych padrabiaznaściaŭ vyśvietlić nie ŭdałosia, jak i pryčynu samahubstva.
Pavodle infarmacyi vydańnia, małady čałaviek skardziŭsia siabram na dziedaŭščynu.
Aficyjna ni Ministerstva abarony Respubliki Biełaruś, ni Ministerstva ŭnutranych spraŭ Respubliki Biełaruś hety vypadak nie kamientavali.
Kamientary
nikčiemnyje hienieralčiki, skudoumnyje połkovniki-majory, zabityje sieryje lejtienientiki biez osobho žiźniennoho kruhozora..
i vsia eta svora, riehularno provodit słavnyje učienija. a po-faktu bojesposobnosť ich - NOL.
A Pieči - eto voobŝie epičieskij fiejł.. kuča biespoleznoho žieleza v sovriemiennoj vojnie, nužnaja tolko dla toho, čtoby nie porazhoniali vsiu etu p**dobratiju s łampasami i źviezdami.
o śpiecnazie - otdielnyj razhovor. zondierkomandy.