9 vieraśnia ŭ dziciačym teatry «Kropka» ŭ TRC Galleria Minsk startujuć pakazy kvest-šou «Padarožža ŭ Izumrudny horad», raźličanaha na dziaciej 4—10 hadoŭ. Maleńkija hledačy razam z hałoŭnymi hierojami ŭdzielničajuć u pastanoŭcy, dapamahajučy im pieraadoleć usie pieraškody.
Pastanoŭka, pryśviečanaja pryhodam Doraci i jaje siabroŭ u Čaroŭnaj krainie Oz, ažyćcioŭlena dziciačym teatram «Kropka» pa knizie Łajma Frenka Baŭma. Heta ŭžo treci prajekt novaha teatra paśla «Śniežnaj karalevy» i «Maleńkaha prynca».
Admietnaja asablivaść usich śpiektaklaŭ «Kropki» — adsutnaść barjera pamiž załaj i scenaj, a taksama pastajannaje ŭzajemadziejańnie z maleńkimi hledačami. U novym śpiektakli jany pieraŭvasablajucca ŭ Žavunoŭ — žycharoŭ kazačnaj krainy, jakija dapamahajuć Doraci i jaje siabram va ŭsich pryhodach. A ŭ kancy kiraŭnik Čaroŭnaj krainy Oz asabista ŭznaharodžvaje kožnaha hledača.
— U nas nichto nie patrabuje cicha siadzieć na miescy. Jany akazvajucca ŭ inšaj realnaści i majuć poŭnaje prava jaje daśledavać, — raspaviadaje pradziusar prajekta Siamion Šapčyc. — Razam z hierojami śpiektakla maleńkija hledačy iduć u Izumrudny horad, dapamahajučy Doraci, Pudziłu, Žaleznamu Dryvasieku i bajaźlivamu Lvu razhadvać zahadki, znajści padkazki i pieraadoleć usie pieraškody na ich šlachu.
Režysior pastanoŭki Julija Alšeŭskaja, mastak — Alaksandra Kavalčyk. U rolach: Vital Chaładok, Ihar Piatroŭ, Volha Fiodarava, Natalla Horbań, Natalla Kapitonava, Volha Ździarskaja, Alena Barsukova, Karyna Samcova, Mikałaj Varabiej.
U rolach: Vital Chaładok, Ihar Piatroŭ, Volha Fiodarava, Natalla Horbań, Natalla Kapitonava, Volha Zdiarskaja, Alena Barsukova, Karyna Samcova, Mikałaj Vierabiej.
«Maleńki prync» — dziciačaje kvest-šou
Dziciačy teatr «Kropka» — TRC Galleria Minsk, 5-y pavierch, z 9 vieraśnia pa 19 listapada 2017 hoda
Pakazy: sierada-čaćvierh 18:30, subota 11:30 i 17.00, niadziela 11.30 i 13.30.
Kvitki pa budniach: 20 rub. (adzinočny, dzicia možna pakinuć), 50 rub. (siamiejny, 3 čał)
Kvitki pa budniach: 25 rub. (adzinočny, dzicia možna pakinuć), 65 rub. (siamiejny, 3 čał)
Biez kamisii: u teatry «Kropka» i na sajcie www.teatrkropka.by
Z kamisijaj: Bileti.by
Infalinija: (029) 650 99 99.
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy18
Kamientary