U haradzienca ŭ Bielhii zdaryŭsia infarkt. Strachaŭščyki nie kampiensujuć jamu 5000 jeŭra, bo aformili niapravilny polis

U redakcyju «Našaj Nivy» źviarnulisia klijenty «Biełnaftastracha», jakija śćviardžajuć, što kampanija admaŭlajecca płacić 5000 jeŭra pa miedycynskim rachunku ŭ Bielhii.

Sprava była tak: «Baćki zapłanavali pajezdku da dziaciej u Brusel, — raskazała nam dačka paciarpiełaha, haradzienka Śviatłana Klujeva. — Z 21 kastryčnika pa 6 listapada (17 dzion).

U taty byŭ polis «Biełnaftastracha», ale tam nie chapała dzion na ŭvieś čas pajezdki — ź minułaj zastavałasia tolki 12. My źviarnulisia ŭ haradzienski ofis «Biełnaftastracha», kab «dastrachavacca», bo mieli mienavita ich polisy. Supracoŭnica kampanii, vysłuchaŭšy, skazała, što «dastrachavacca» na tyja paru dzion možna, aformiŭšy novy strachavy polis. My zrabili polis na 15 dzion

— jak patłumačyła supracoŭnica, heta budzie zručna, bo pa pryjeździe ŭ taty zastaniecca jašče 10 dzion».

Jak raskazvaje žančyna, u Bielhii z tatam zdaryłasia biada: 5 listapada pačało niaŭścierpna baleć serca, mužčynu špitalizavali ŭ tamtejšuju balnicu z padazreńniem na infarkt, jaki paćvierdziŭsia — usio heta adbyłosia za dzień da vyletu dadomu. 

Pavialičyć

«Tata, kaniečnie, fanaberyŭsia, prasiŭ jaho adpuścić na zvarotny samalot, ale daktary skazali, što nijakich samalotaŭ, i ŭvohule — adpuścili tolki praz 5 dzion, kali minuła pahroza žyćciu. Usie našyja dziejańni my ŭzhadniali z Balt Assistance — partnioram «Biełnaftastracha». Ale my tut raptam daviedalisia, što ŭsie dva polisy, što baćka braŭ z saboj, niesapraŭdnyja! I spačatku skončyŭsia pieršy (u jakim zastavałasia 12 dzion), a potym druhi (na 15 dzion). Ciapier kampanija admaŭlajecca kampiensavać rachunak na 5000 jeŭra!» — kaža žančyna.

Klujevy źviarnulisia ŭ «Biełnaftastrach». Dziaŭčyna, jakaja vypisvała im polis, napisała tłumačalnuju, što «vykanała ŭsie patrabavańni klijenta». Ale ludzi aburanyja: jak tak, što kampanija dvojčy ŭziała ź ich hrošy za adnyja dni, kali ŭ strachavym vypadku ŭsio roŭna pracuje tolki adzin polis?

«Atrymlivajecca, supracoŭnica aformiła nam polis niapravilna, a my nie zmahli vyjavić pamyłku, bo joj davierylisia», — dadaje Śviatłana. 

Pavialičyć

Ciapier baćka lažyć u biełaruskaj balnicy ŭ postynfarktnym stanie, a siamja napisała aficyjny zvarot u kampaniju i čakaje adkazu. U vypadku, kali pazicyja «Biełnaftastracha» nie źmienicca, ludzi źbirajucca iści ŭ sud. 

Dyrektar haradzienskaha filijała Dźmitryj Astapčenia «Biełnaftastracha» kamientavać situacyju admaŭlajecca. «Ciapier u nas jość aficyjny zvarot, i my na jaho adkažam klijentam va ŭstanoŭleny zakonam termin», — reziumavaŭ jon.

Karespandent «NN» źviarnuŭsia ŭ centralny ofis «Biełnaftastracha», kab aformić polis pry takich ža abstavinach, jak Klujevy. «Ahient nikoli nie vypiša vam dva polisy, — patłumačyła kansultant. — Jon pravieryć pa bazie, ubačyć pieršy polis i pierapytaje, navošta vam jašče adna takaja damova strachavańnia».

• 0
• 0
• 0
• 0
• 0
• 0
• 0
• 0