Uschodaznaŭca Siarhiej Bohdan: Chto arhanizatar pratestaŭ u Iranie, pakul niajasna
«Pakul pratesty ŭ Iranie niemahčyma paraŭnać z tymi, što adbyvalisia ŭ 2009 hodzie, — raskazaŭ «Našaj Nivie» uschodaznaŭca Siarhiej Bohdan. — Pryčyna pratestaŭ zrazumiełaja: sacyjalna-ekanamičnaja situacyja ŭ krainie ciažkaja, pryčym daŭno. Prablemy ŭ ekanomicy byli vyklikanyja sankcyjami Zachadu. Spadziavańni na ekanamičny rost, źviazany sa źniaćciom sankcyj, ź jadziernaj ździełkaj, nie spraŭdzilisia. U krainie vielmi vysokaje biespracoŭje», — tłumačyć Bohdan.
«Patencyjał dla pratestu vielizarny, — miarkuje jon. — Kali b niechta zdoleŭ pieravieści kryŭdy ludziej u palityčnuju prahramu i arhanizavaŭ ruch, efiekt moh by być vialiki. Ale pakul ja b nie pierabolšvaŭ pierśpiektyvy. Hučać frykaŭskija łozunhi — prasłaŭleńnie šacha Rezy, antyarabskija łozunhi, pačynajuć palić, łamać. Pakul hety pratest mocna zabrudžany pravakacyjnymi i destrukcyjnymi dziejańniami i nakiravany ŭ roznyja baki. Pytańnie stabilnaści ŭrada Irana, jak i ŭ Biełarusi, — heta pytańnie niearhanizavanaści jaho apanientaŭ», — kaža Bohdan.
«Ź vialikich haradoŭ pratesty adbylisia ŭ Miešchiedzie, Bandar-Abasie, Kiermanšachu. U Tehieranie pratest byŭ małaliki», — adznačaje Bohdan.
«Telehram sapraŭdy, vielmi papularny mesendžar u Iranie, — tłumačyć Bohdan. — Mienavita ŭ mesendžarach i sacsietkach i raspaŭsiudžvajucca zakliki da akcyj, nazyvajucca miescy zboru. Chto zaklikaje, pakul niajasna».
Kamientary