Brytanskija lekary nadrukavali pacyjentu hrudnuju kletku na 3D-pryntary
Padčas apieracyi pa vydaleńni rakavaj puchliny brytanskija lekary rekanstrujavali chvoramu hrudzi z dapamohaj 3D-pryntara.
71-hadovamu Piteru Mehzu vydalili try rebry i pałovu hrudziny, źmiaściŭšy zamiest ich pratez.
Rakavaja puchlina razrasłasia vieličynioj z tenisny miač i jaje vydaleńnie vyklikała vialikija paškodžańni hrudnoj kletki. Apieracyja doŭžyłasia vosiem hadzin.
Zvyčajna ŭ takich vypadkach chirurhi adlivajuć pratez z admysłovaha miedycynskaha cemientu. Ale dziakujučy technałohii 3D-druku lekary zmahli vyrabić dla chvoraha indyvidualny impłantat z tytanavaha spłavu.
«Treba było vyrazać puchlinu, a razam ź joj vydalić častku hrudnoj kości i i try rebry», — raspaviadaje chirurh-kardyjołah Ajra Hołdśmit.
«Heta pahražała surjoznymi paškodžańniami, zdolnymi parušyć pracu ŭsioj hrudnoj kletki, rekanstrujavać jakuju było b vielmi składana», — dadaŭ doktar.
Ale ŭ pacyjenta byli i inšyja prablemy, u tym liku z sercam. Tamu apieracyju nieabchodna było skončyć jak maha chutčej.
Apieracyja prajšła paśpiachova, pacyjent kaža, što adčuvaje siabie dobra.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak11
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary