U Minsku pakažuć premjerny śpiektakl pra rody. Mužčynam taksama prapanujuć pasprabavać siabie ŭ roli maci
Niezaležny teatralny prajekt «HomoCosmos» u novym śpiektakli «Raskryćcio» prapanuje pafantaziravać i ŭjavić, što kožny z nas, niezaležna ad połu, chutka moža stać maci.
«HomoCosmos» užo viadomy teatralnaj publicy takimi svaimi pastanoŭkami, jak «Kamiera, jakuju dała mnie maci» i «Boh kozytu». Centralnaja tema daśledavańniaŭ prajekta zakranaje čałavieka, jaho cieła, pošuk siabie ŭ prastory i ŭsie temy-tabu, źviazanyja z hetym.
«Jak časta my čujem abo kažam «Jak ja ciabie razumieju», ale ci razumiejem my adzin adnaho na samaj spravie? Historyja «Raskryćcio» adbudziecca z 4 siabrami i 100 hledačami, jakija adnojčy sustrenucca ŭ adnoj prastory, kožny sa svaimi prablemami i pieražyvańniami dnia. Usio heta paniavoli zakranie ciažarnuju Sašu, jakaja apyniecca siarod ich…», — krychu raskryvajuć toje, što čakaje hledačoŭ, u anonsie.
Śpiektakl zrobleny pa pjesie maładoha dramaturha Aleny Ivaniušanki. Pastaviła jaje režysiorka Natalla Lavanava.
Hałoŭnyja roli vykonvajuć: Alena Zuj-Vajciachoŭskaja (Biełaruski dziaržaŭny maładziožny teatr), Kryścina Drobyš (Nacyjanalny akademičny teatr imia Janki Kupały), Maksim Duboŭski (Biełaruski dziaržaŭny maładziožny teatr), Kaciaryna Bondarava (aktrysa teatra i kino).
Pahladzieć premjeru možna budzie 29 i 30 sakavika ŭ 19.00 ŭ prastory «Ok16» (Kastryčnickaja, 16). Bolš infarmacyi pra padzieju i kvitki šukajcie pa spasyłcy.
Čytajcie taksama:
U Biełarusi pastavili śpiektakl pra rody i maci Łukašenki. Budzie jašče adzin FOTY
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary