Palityk siońnia prakamientavaŭ situacyju ź mihrantami z Uźbiekistana.
Łukašenka zaznačyŭ, što prezident Uźbiekistana paprasiŭ jaho nie tolki pra pracaŭładkavańnie svaich hramadzian, ale pierš za ŭsio pra pastaŭki miasa i małaka, piša BiełTA.
«U ich nie chapaje ziamli, u ich niama vady (niedastatkova vodnych resursaŭ. U nas dastatkova i ziamli, i vady. My možam vyrablać miasa i małako», — skazaŭ jon i dadaŭ, što baki damovilisia ab pryjeździe ŭ Biełaruś rabotnikaŭ z Uźbiekistana, kab chutčej i bolš efiektyŭna vyrašyć pytańnie z pastaŭkami nieabchodnaj sielskahaspadarčaj pradukcyi.
Razam z tym Łukašenka źviarnuŭ uvahu, što kali niechta maje namier jechać u Biełaruś, kab atrymlivać «vielmi vialikija hrošy» ŭ ekvivalencie niekalkich tysiač dalaraŭ, to lepš razhledzieć, naprykład, varyjant pracaŭładkavańnia ŭ Rasii.
«Tam jany mohuć uładkavacca na naftavyja promysły ci na inšyja abjekty, pracavać i atrymlivać vielmi vysoki zarobak», — skazaŭ jon.
«Da nas jany pryjeduć dla taho, kab, jašče raz padkreślivaju, vyrablać miasa, małako, inšuju sielskahaspadarčuju pradukcyju i pastaŭlać jaje na radzimu. Čym vyšejšaja pradukcyjnaść, čym bolš tavaraŭ jany vyrabiać, tym bolšy budzie zarobak. I jany zmohuć rasparadžacca im tak, jak zachočuć», — zajaviŭ jon
«Kali vam ludzi z boku nie patrebnyja — nie biarycie. Ja vas nie prymušaju ich brać», — adznačyŭ Alaksandr Łukašenka.
Nahadajem, što tydzień tamu ŭ internecie źjaviłasia videa, zapisanaje pracoŭnymi mihrantami z Uźbiekistana, u jakim jany narakali na prapanavany im zarobak u 500 dalaraŭ, pry hetym žyllo i charčavańnie, ź ich słoŭ, jany pavinny byli apłačvać samastojna. Jany zajaŭlali, što pry takich umovach hatovyja admovicca ad pracy i viarnucca na radzimu.
Na videa adreahavali prapandysty, a adzin z pracoŭnych mihrantaŭ zapisaŭ novaje, dzie skazaŭ pra zarobak u 700 dalaraŭ.
Na situacyju adreahavali ŭłady, ministr unutranych spraŭ Ivan Kubrakoŭ skazaŭ, što pracoŭnyja mihranty ŭžo raźmierkavanyja pa pradpryjemstvach, a staršynia Pałaty pradstaŭnikoŭ Ihar Sierhiejenka zajaviŭ, što ŭłady vykonvajuć usie abaviazalnictvy pa pryjomie rabotnikaŭ z Uźbiekistana
Mihranty z Uźbiekistana, jakija tolki pryjechali, paprasili viarnuć ich ź Biełarusi: abiacanych zarobkaŭ niama
«Nam zaraz płaciać pa 700 dalaraŭ zarobku». Aŭtar videa z pratestam uźbiekaŭ zapisaŭ novaje, a staroje zaklikaje vydalić
Kubrakoŭ: Pracoŭnyja mihranty ŭžo raźmierkavanyja pa pradpryjemstvach
Sierhiejenka: My vykonvajem usie abaviazalnictvy pa pryjomie rabotnikaŭ z Uźbiekistana
Kruty: Rabotniki z Uźbiekistana zavoziacca ŭ Biełaruś pad inviestprajekty
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary