У Мінску пакажуць прэм’ерны спектакль пра роды. Мужчынам таксама прапануюць паспрабаваць сябе ў ролі маці
Незалежны тэатральны праект «HomoCosmos» у новым спектаклі «Раскрыццё» прапануе пафантазіраваць і ўявіць, што кожны з нас, незалежна ад полу, хутка можа стаць маці.
«HomoCosmos» ужо вядомы тэатральнай публіцы такімі сваімі пастаноўкамі, як «Камера, якую дала мне маці» і «Бог козыту». Цэнтральная тэма даследаванняў праекта закранае чалавека, яго цела, пошук сябе ў прасторы і ўсе тэмы-табу, звязаныя з гэтым.
«Як часта мы чуем або кажам «Як я цябе разумею», але ці разумеем мы адзін аднаго на самай справе? Гісторыя «Раскрыццё» адбудзецца з 4 сябрамі і 100 гледачамі, якія аднойчы сустрэнуцца ў адной прасторы, кожны са сваімі праблемамі і перажываннямі дня. Усё гэта паняволі закране цяжарную Сашу, якая апынецца сярод іх…», — крыху раскрываюць тое, што чакае гледачоў, у анонсе.
Спектакль зроблены па п’есе маладога драматурга Алены Іванюшанкі. Паставіла яе рэжысёрка Наталля Ляванава.
Галоўныя ролі выконваюць: Алена Зуй-Вайцяхоўская (Беларускі дзяржаўны маладзёжны тэатр), Крысціна Дробыш (Нацыянальны акадэмічны тэатр імя Янкі Купалы), Максім Дубоўскі (Беларускі дзяржаўны маладзёжны тэатр), Кацярына Бондарава (актрыса тэатра і кіно).
Паглядзець прэм’еру можна будзе 29 і 30 сакавіка ў 19.00 ў прасторы «Ok16» (Кастрычніцкая, 16). Больш інфармацыі пра падзею і квіткі шукайце па спасылцы.
Чытайце таксама:
У Беларусі паставілі спектакль пра роды і маці Лукашэнкі. Будзе яшчэ адзін ФОТЫ
У Беларусі знайшлі копію швейцарскіх Альпаў — але турыстаў там не чакаюць2
Каментары