Arhanizatary fiestyvałju «Džazavyja viečary z Bankam BiełVEB», jaki budzie adbyvacca na scenie kala Ratušy pa subotach z 23 červienia pa 7 lipienja, abviaścili muzyčnuju prahramu mierapryjemstva. U hetym hodzie minčan i haściej stalicy svaimi vystupami paradujuć muzyki ź Biełarusi, Braziłii, Francyi, Kuby, ZŠA, Rasii, Izraiłja, Hiermanii.
U miežach šostaha siezonu «Džazavych viečaroŭ» hledačoŭ čakaje instrumientalnaja i vakalnaja džazavaja muzyki samych roznych stylaŭ i kirunkaŭ: ad kłasičnaha džazu i śvinhu da bibopu, etna i smus-džazu. Kancerty buduć adbyvacca z 20:30 da 23:00, volny ŭvachod.
U liku chedłajnieraŭ sioleta takija pryznanyja džazavyja zorki, jak salist Mingus Big Band Aleks Sipiahin (ZŠA), salist SWR Big Band Kłaŭs Rajchštaler (Hiermanija), virtuoznaja pijanistka Billy Cobham Band Kamielija Bien Nasior (Francyja). Pry dapamozie ambasady ZŠA ŭ Respublicy Biełaruś u «Džazavych viečarach» voźmie ŭdzieł małady amierykanski septet Jonah Levine Collective, lidar jakoha byŭ udzielnikam viadomych festaŭ Jeŭropy, Azii i Paŭnočnaj Amieryki.
Tradycyjna aktyŭny ŭdzieł u prajekcie voźmuć i biełaruskija muzyki. Siarod ich užo viadomyja Premier Orchestra, «Kvartet Paŭła Arłova», Lu Krukovskaya Project, «Džaz-trya Jaŭhienii Latun», a taksama virtuozny saksafanist, vychadziec ź Biełarusi Alaksiej Losh Małachaŭ, jaki zdoleŭ dabicca pryznańnia na jeŭrapiejskaj džazavaj scenie.
Kožny viečar fiestyvalu ŭ hetym hodzie budzie tematyčnym, a ŭsie viečary abjadnaje džazavaja pjesa, jakuju viedaje kožny prychilnik hetaha žanru.
23 červienia — «Łacinaamierykanski džaz»
Žaander Santas — vakał, hitara (Brazilija), Aleks Sipiahin — truba (ZŠA), Alaksiej Losh Małachaŭ (Hiermanija), Uładzimir Michnovič — saksafon (Biełaruś), Dźmitryj Budaryn — trambon (Rasija — Biełaruś) u supravadžeńni Premier Orchestra, a taksama Minimal Groove Band (Biełaruś).
30 červienia — «Tradycyi i sučasnasc»
Claus Reichstaller Quartett (Hiermanija), Jonah Levine Collective (ZŠA), «Kvartet Paŭła Arłova» (Biełaruś-Rasija).
7 lipienja — «U džazie tolki dziaŭčaty»
Camelia Ben Naceur Trio (Francyja-Kuba), Sivan Arbiel — vakał (Izrail), Lu Krukovskaya Project (Biełaruś), «Džaz-trya Jaŭhienii Latun» (Biełaruś).
Ciapier čytajuć
Ź Ministerstva kultury zvolnili pieršaha namieśnika Markava3
Kamientary