Videaservis VOKA pavialičyć kolkaść filmaŭ na biełaruskaj movie da 124
Videaservis VOKA padvioŭ vyniki hoda: samym prahladanym filmam z ahučkaj na biełaruskaj movie stała siamiejnaja kamiedyja «Padynhtan». Film pra miedźviedziania, što pryjechała ŭ Łondan, kab znajści siamju i stać sapraŭdnym anhlijskim džentlmienam, pahladzieła kala 20 000 karystalnikaŭ. Druhoje i treciaje miescy ŭ rejtynhu VOKA atrymali anime «Rybka Pońjo» i antyŭtopija «Kniha Iłaja».
U pačatku hetaha hoda ŭ biełarusaŭ źjaviłasia mahčymaść hladzieć filmy na rodnaj movie nie tolki ŭ kinateatrach, ale i doma. Dla hetaha videaservis VOKA stvaryŭ śpiecyjalny raździeł CINEVOKA, u jakim sabrany šedeŭry suśvietnaha kino ŭ biełaruskaj ahučcy. Aktyŭnaje napaŭnieńnie raździeła pačałosia ź lipienia: za 6 miesiacaŭ kolkaść kantentu vyrasła z 3 da 60 filmaŭ roznych žanraŭ: ad psichałahičnych dram i bajevikoŭ da anime i multfilmaŭ.
U 2019 hodzie kolkaść kinakarcin płanujuć pavialičyć da 124. U ich liku buduć drama «Palot nad hniazdom ziaziuli», tryler «Sajlent Chił», kryminalny detektyŭ «Dziaŭčyna z tatuiroŭkaj drakona», čornaja kamiedyja «Voŭk z Uoł-stryt» i inšyja błokbastary.
Za hety hod filmy ŭ raździele CINEVOKA sabrali bolš za 45 000 hledačoŭ. Pasty ŭ sacyjalnych sietkach pra kinachity ŭ biełaruskaj ahučcy ŭbačyli 330 000 karystalnikaŭ — popyt na filmy na rodnaj movie ŭ internet-prastory ŭpeŭniena raście. Chedłajnieram abmierkavańniaŭ u sacyjalnych sietkach stała francuzskaja kamiedyja «Asteryks na Alimpijskich hulniach».
Udzieł u ahučcy filmaŭ, pierakładzienych na biełaruskuju movu, uziali 19 akcioraŭ dublažu, jakija praviali ŭ hukazapisvalnaj studyi bolš za 450 hadzin.
Top-10 samych prahladanych filmaŭ u biełaruskim pierakładzie vyhladaje tak:
- Padynhtan;
- Rybka Pońjo;
- Kniha Iłaja;
- Moj siabar žyrafa;
- Misija;
- 1+1 (Niedatykalnyja);
- Piaty elemient;
- Hrukajučy ŭ niabiesnuju bramu;
- Žonka ahladalnika zaaparku;
- Skradzienyja pryvidami.
Biełarusy ŭžo pryvykli hladzieć kino ŭ biełaruskaj ahučcy i ŭ kinateatrach. Dziakujučy prajektu «Biełaruskija ŭikiendy», jaki realizujecca kampanijaj «Kinakonh» pry padtrymcy velcom, viadomyja filmy i navat premjery ź biełaruskim dublažom štomiesiac pakazvajuć na vialikich ekranach pa ŭsioj krainie. Za dva hady pakazy «Biełaruskich ŭikendaŭ» naviedała ŭžo bolš za 50 tysiač hledačoŭ.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary