Volskaha, Varaškieviča, Vajciuškieviča i Arakielana zatrymali za sprobu zładzić vuličny kancert
U 21:00 muzykanty byli vyzvalenyja. Na ich skłali pratakoły.
***
Viadomyja biełaruskija muzyki — Lavon Volski, Źmicier Vajciuškievič, Ihar Varaškievič, Pavieł Arakielan — źbiralisia pavinšavać minčukoŭ z Dniom Voli vuličnym kancertam. Ich zatrymali, jak tolki jany dastali muzyčnyja instrumienty. Jašče 10 čałaviek byli zatrymanyja na Kastryčnickaj płoščy za sprobu zładzić šeście da budynka, dzie była abvieščanaja Biełaruskaja Narodnaja Respublika.
Jak tolki Lavon Volski pryjšoŭ na miesca sustrečy, da jaho padyšoŭ milicyjant i papiaredziŭ, što kancert budzie rascenieny jak niesankcyjanavanaje masavaje mierapryjemstva. Muzyki stali raicca, što im rabić, ale rašeńnie im pryniać nie dali. Praź niekalki chvilin padjechaŭ aŭtobus ź milicyjantami. Kiraŭnik milicyi Centralnaha rajona Minska zapatrabavaŭ, kab muzykanty prajšli ŭ aŭtobus. Jany zatrymanyja «dla vyśviatleńnia asoby».
U milicyju trapili Lavon Volski, Ihar Varaškievič, Źmicier Vajciuškievič i Pavieł Arakielan, a taksama niekalki supravadžajučych ich asobaŭ.
Varta adznačyć, što dziasiatki minčukoŭ, što sabralisia na skryžavańni, adreahavali na zatrymańnie vykanańniem piesień. Jany zaśpiavali «Try čarapachi», «Prostyja słovy» i «Nadzieńku».
Na papiaredžańni milicyi «Pavažanyja hramadzianie! Praviadzieńnie mierapryjemstva nie dazvolena. Prosim vas razyścisia» ludzi adreahavali vyhukami «Hańba» i vykanańniem biełaruskaj narodnaj pieśni «Kupalinka».
Viadomyja muzyki Biełarusi mielisia pavinšavać minčukoŭ z Dniom Voli spantannym kancertam prosta na vulicach Minska. Jany płanavali pačać śviatočny muzyčny džem a 18:30 na piešachodnym skryžavańni vulic Revalucyjnaja i Kamsamolskaja, dzie časta śpiavajuć vuličnyja muzyki.
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary