Kali b mianie zapytali, jakuju stravu ja mahła b jeści kožny dzień, biez sumnievaŭ nazvała b makaronu. I prykład Italii dakazvaje, što heta nie nadakučvaje. Možna kožny dzień rabić novuju stravu — mianiać sousy, formy makarony! Ci prajścisia pa kłasicy — vybrać spahiećci karbanara ci bałańjeze. Ale siońnia my z vami pryhatujem inšuju viadomuju italjanskuju stravu — łazańniu, hetym razam syrnuju.
Pieršyja recepty łazańni znojdzieny ŭ kulinarnaj knizie XIV stahodździa. Ličycca, što svajo pachodžańnie strava biare ź Nieapala. A samo słova z łacinskaj movy pierakładajecca jak «forma dla zapiakańnia».
Nam spatrebicca:
- 250 hr. listoŭ dla łazańni;
- 200 hr. macareły;
- 250 hr. rykoty;
- 150 hr. špinatu;
- 1 cybulina;
- 1 zubčyk časnaku;
- 500 mł małaka;
- 2 st.ł. muki;
- 50 hr. masła;
- sol, pierac;
- muskatny arech;
- alej.
Spačatku zrobim sous biešamiel. U satejniku topim masła, dadajom da jaho muku i dajom padsmažycca, uvieś čas pieramiešvajučy. Patrochu ŭlivajem ciopłaje małako i pieramiešvajem sous, kab nie było kamiačkoŭ. Varym da zahuścieńnia. U sous dadajom sol, pierac i muskatny arech na smak.
Tym časam na patelni z 1 č.ł. aleju padsmažym drobna narezanuju cybulu i časnok. Jak tolki cybula zarumianicca, dadajom da jaje špinat i dajom niekalki chvilinak na pryhatavańnie. Dadajom da špinatu rykotu i dobra pieramiešvajem.
Macarełu trom na tarcy (lepiej uziać ćviorduju macarełu jak dla piccy). Pakińcie trošačku syru na apošni etap pryhatavańnia.
Pačynajem vykładvać słai. Formu dla łazańni troški zmazvajem alejem, vykładajem pieršy słoj listoŭ makarony. Źvierchu vykładajem rykotu sa špinatam, pasypajem syram, dadajom sous. Znoŭku pačynajem z makarony. Takich słajoŭ u nas budzie try, tak što raźmiarkujcie rykotu i macarełu na 3 častki, a sous na 4, kab chapiła na apošni słoj — tam buduć tolki listy makarony i sous. Nakryvajem formu folhaj i zapiakajem u duchoŭcy 35—40 chvilin pry 180 hradusach. Za 5 chvilin da hatoŭnaści źnimicie folhu, pasypcie łazańniu syram i pakińcie ŭ duchoŭcy da poŭnaha pryhatavańnia.
Smačna jeści!
Ciapier čytajuć
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju3
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski44
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski4
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary