Pahladzicie, jak «na samaj spravie» robiać maroziva z vasilkoŭ FOTAPRAJEKT
Vytvorcy vałoškavaha płambiru stvaryli fotaprajekt z realnymi supracoŭnikami «Biełaha polusa» ŭ roli madelaŭ.
Ludzi, jakija druhi miesiac robiać dla biełarusaŭ «vałoškavaje maroziva», paŭstali ŭ niezvyčajnych vobrazach: fryzierščyk Andrej doić karovu, staršy śpiecyjalist pa prodažach Taćciana i śpiecyjalist pa płanavańni Maryna zakatvajuć kvietkavy džem u słoiki, apieratar linii Jaŭhien uručnuju vypiakaje žytnija kubački. Pramyvajuć vasilki dla chend-mejd płambiru śpiecyjalist pa pracy z klijentami Alena i «Mis Śvietu — Jeŭropa» Maryja Vasilevič.
Mastacki pryjom fotasiesii nahadvaje dadatak z technałohijaj dapoŭnienaj realnaści. Zdymki, zroblenyja ŭ turystyčnaj vioscy Biełyja Łuhi, u iraničnaj formie pakazvajuć sapraŭdny praces vyrabu płambiru «Vałoška» praź pierśpiektyvu nacyjanalnaj historyi i kultury.
Madeli apranutyja ŭ sukienki brenda @alenagoretskaya_official i ŭ «biełaruskaje adzieńnie» HONAR, a pradakšn fotasiesii arhanizoŭvaŭ @alexiskolmc.
«Ź pieršaha dnia prodažaŭ «Vałoški» my i našy partniory atrymlivajem pytańni ŭ styli: «Jak kvietki traplajuć u maroziva? Čamu płambir błakitny? U čym fiška žytniaha kubačka?» — raspaviadaje namieśnik dyrektara pa markietynhu «Biełaha polusa» Maksim Žurovič. — Hetyja pytańni padšturchnuli nas na ideju stvaryć fotaprajekt takoha farmatu. Z adnaho boku, farmat žartoŭny, z druhoha — my pakazvajem realnyja inhredyjenty i realnych supracoŭnikaŭ fabryki, čyje ruki stvarajuć płambir, jaki paźniej źjaŭlajecca ŭ kramach. Kab bolš efiektyŭna prasoŭvać «Vałošku» dla aŭdytoryi zamiežnikaŭ, my zaprasili da ŭdziełu ŭ fotasiesiju Maryju Vasilevič. Jaje ŭznaharoda «Mis Jeŭropy», vałoškavy koler vačej i navat proźvišča vydatna ŭpisalisia ŭ našu kancepcyju».
Daviedka
Vasilkovaje maroziva «Bieły polus Vałoška» — płambir z dadańniem kvietak vasilka i nasieńnia lonu ŭ žytnich kubačkach. Vasilok, žyta i lon — papularnyja kulturnyja simvały Biełarusi: siońnia, jak i tysiačy hadoŭ nazad, jany kožny hod prarastajuć na miascovych palach. Zadumka vytvorcaŭ — stvaryć nacyjanalny desiert, jaki turyst pasprabuje tolki ŭ Biełarusi i ŭ litaralnym sensie adčuje krainu na smak.
Prajdzicie naš test: Ci razumiejecie vy movu Paleśsia?
Ciapier čytajuć
Daśledčyki znajšli miesca ŭ Biełarusi, dzie bazujecca «Arešnik»4
Daśledčyki znajšli miesca ŭ Biełarusi, dzie bazujecca «Arešnik»
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary