Usio ž rasstreł: adchilili apielacyju žychara Łuninca, jaki adrezaŭ hałavu niemaŭlaci
31 studzienia Viarchoŭny sud vyrašyŭ, što 48-hadovy Viktar Sierhiel z Łuninca ŭsio ž zasłuhoŭvaje śmierci.
Sierhiel byŭ pryznany vinavatym pa žudasnaj spravie ab zabojstvie 8-miesiačnaj dziaŭčynki. Adbyłosia ŭsio jašče ŭ 2018 hodzie. Mužčyna vypivaŭ doma ŭ svajoj znajomaj, 26-hadovaj Natalli Kołb. Razam jany zabili małuju dačku Natalli. Pryčyny i abstaviny strašnaha ŭčynku nieviadomyja, ale kali z pracy viarnuŭsia muž Natalli Kołb, to ŭbačyŭ u chacie pjanuju žonku, pjanaha hościa i miortvaje cieła svajoj dački na padłozie. Dziaŭčynku žorstka źbili i adrezali joj hałavu.
Paśla hetaha Natallu Kołb i Viktara Sierhiela zatrymali. U kastryčniku 2019 hoda Brescki abłasny sud ahučyŭ vyrak: i Natalla, i Viktar atrymali maksimalna mahčymyja pakarańni. Sierhielu prysudzili rasstreł, a Kołb — 25 hadoŭ pazbaŭleńnia voli (u Biełarusi śmiarotnaje pakarańnie ci pažyćciovy termin žančynam nie prysudžajucca).
Ale ž Viktar Sierhiel paśla prysudu padaŭ apielacyju (pa infarmacyi partała tut.by, sam Sierhiel nie asprečvaŭ prysud, apielacyja była idejaj jaho advakataŭ). Ale Viarchoŭny sud vyrašyŭ, što litaści mužčyna nie zasłuhoŭvaje. Takim čynam, Sierhiela rasstralajuć.
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta5
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta
Hrodzienskaha padletka adpravili ŭ škołu ŭ Litvu — jon vyvučyŭ litoŭskuju i ciapier pierakładaje ŭ Jeŭraparłamiencie. Pierakładaŭ jon i Cichanoŭskich3030
Kamientary