Łukašenka: Tak, ja daŭ sihnał ź Cichanoŭskim

Pra heta skazaŭ Alaksandr Łukašenka na zakrytym vystupleńni pierad aktyvam Minskaj vobłaści ŭ Salihorsku 26 červienia. Frahmienty byli pakazany ŭ «Hałoŭnym efiry» na «Biełaruś 1», piša Tut.by.

«Hałoŭnaje ž nie razumiejuć ludzi, što idzie spakojnaje raschistvańnie abstanoŭki. Kali b my tady niekatorych nie praćvierazili, siońnia b bušavaŭ i Salihorsk. Usio pačynajecca pastupova, my heta viedajem. Raschistvajecca abstanoŭka ŭnutry krainy, davodzicca da biełaha kaleńnia, idzie nastup na dziejnuju ŭładu, adbyvajecca złom ułady, dobra, kali chtości siadaje ŭ kresła ŭłady prabiełaruski — dy dobra ŭžo z hetym Majdanam. Praz Majdan, biesparadki, vałakitu — až da zvarotu da zamiežnaj dziaržavy. Ci vy heta vyklučajecie? A ja — nie. Ja pavinien dumać pa maksimumie. Čamu? Bo ja nie viedaju, jakija dziejańni jany raspačnuć.

Tak, ja daŭ sihnał ź Cichanoŭskim [byŭ zatrymany 29 maja ŭ Hrodnie, vystaŭlena abvinavačvańnie pa art. 342 — NN]. Ja niešta nie tak rabiŭ? Ja pieražyvaŭ za svaju krainu, za jakuju ja pakul jašče adkazvaju. I budu adkazvać zaŭsiody — u luboj jakaści.

Vykazaŭsia Łukašenka taksama i pra Babaryku

«Apošnija maje nazirańni, 24 čysła [padčas Parada Pieramohi] ja zaŭvažyŭ, što jany heta ŭbačyli i zrazumieli. Kali my hety hazpramaŭski bank prychłopnuli, jany ŭsio zrazumieli. Usie pakutujuć: «Ach, Łukašenka pasadziŭ». A my nikoha tudy nie klikali. My dziejničajem pa zakonie, jak heta było zaŭsiody. A jak inakš — 640 miljonaŭ dalaraŭ praz bank admyli i ŭ Łatviju pieraličyli. Amierykancy hety bank nakryli — admyvańnie hrošaj.

I kali ja baču miljony i miljony dalaraŭ vykačanyja — heta ž na nas zaroblenyja hrošy. Skažycie, a jakija pavinny być maje dziejańni?

Dalej — bolš. Kali ažyćciavili vymańnie ŭ banku — što mianie ŭraziła — va ŭsich asnoŭnych jačejkach lažali fłeški, žorstkija dyski i hory dakumientaŭ. I kali mnie dałažyli pra fłeški i žorstkija dyski, ja zrazumieŭ, što tam vielizarny płast infarmacyi. I ŭsio: ach, a čamu jaho raniej nie aryštavali? A čamu ŭčora piroh nie źjeli, a jamo siońnia? A tamu što nie hatovyja byli. Dakazać usio heta. Bo tolki ŭ śniežni minułaha hoda my byli prainfarmavanyja pra toje, što tam adbyvałasia. Dva z pałovaj hady nam nie davali hetyja źviestki. Ja kažu, kali b amierykancy nie nacisnuli na Łatvijski bank u minułym hodzie — ciapier idzie tam śledstva, — naŭrad ci b dali hetuju infarmacyju.

I samaje hałoŭnaje, voś hetyja miaški čornyja hrošaj i karciny — ich pačali rychtavać da vyvazu ź Biełarusi. My pavinny byli spynić hetuju akcyju, tamu ŭ hety čas i daviałosia ažyćciaŭlać hetyja mierapryjemstvy. Kali ŭžo ŭnikać absalutna ŭ padrabiaznaści».

• 0
• 0
• 0
• 0
• 0
• 0
• 0
• 0