Kiraŭnik Palantir: U epochu ŠI buduć mieć pośpiech tolki dźvie hrupy ludziej
Kiraŭnik kampanii Palantir Aleks Karp ličyć, što ŭ epochu štučnaha intelektu najbolšyja šansy na paśpiachovuju karjeru buduć u ludziej rabočych prafiesij i niejraadmietnych śpiecyjalistaŭ — tych, čyjo myśleńnie adroźnivajecca ad ahulnapryniatych norm. Pra heta miljarder raskazaŭ u intervju podkastu TBPN, piša devby.io.
«Pa sutnaści, jość dva sposaby zrazumieć, što ŭ vas jość budučynia. Pieršy — atrymać prafiesijnuju padrychtoŭku. Druhi — być niejraadmietnym», — zajaviŭ Karp.
Na jaho dumku, pradstaŭniki rabočych śpiecyjalnaściaŭ, u tym liku elektryki i santechniki, lepš abaronienyja ad aŭtamatyzacyi. Popyt na ich taksama raście praz maštabnaje budaŭnictva data-centraŭ dla ŠI.
Druhaja katehoryja dla Karpa asabliva blizkaja: jon nieadnarazova raskazvaŭ pra ŭłasnuju dyśleksiju. Niejraadmietnaści taksama mohuć uklučać aŭtyzm i sindrom deficytu ŭvahi i hipieraktyŭnaści. Pry hetym kiraŭnik Palantir ličyć pieravahaj nie stolki kankretny dyjahnaz, kolki zdolnaść myślić niestandartna, ryzykavać i znachodzić niezvyčajnyja rašeńni.
Pavodle jaho słoŭ, paśpiachovym śpiecyjalistam budučyni daviadziecca «być bolš padobnymi da mastakoŭ, hladzieć na rečy pad inšym kutom i ŭmieć stvarać štości ŭnikalnaje».
Palantir užo robić staŭku na takich supracoŭnikaŭ. U kampanii dziejničaje śpiecyjalnaja prahrama Neurodivergent Fellowship dla pryciahnieńnia niejraadmietnych śpiecyjalistaŭ. Zhodna z prahnozam Gartner, da 2027 hoda 20% adździełaŭ prodažaŭ kampanij z Fortune 500 buduć metanakiravana najmać takich supracoŭnikaŭ dla pavyšeńnia efiektyŭnaści biznesu.
Karp taksama skieptyčna stavicca da tradycyjnaj vyšejšaj adukacyi. Niahledziačy na ŭłasnyja try dypłomy, u tym liku doktarskuju stupień pa fiłasofii, jon raniej papiaredžvaŭ, što ŠI źniščyć mnohija pracoŭnyja miescy ŭ humanitarnych prafiesijach.
Palantir navat zapuściła prahramu Meritocracy Fellowship dla vypusknikoŭ škoł, jakija vyrašyli nie pastupać va ŭniviersitet. Uvosień 2026 hoda ŭdzielnikam prapanoŭvali stypiendyju $5400 u miesiac, a najlepšym — mahčymaść atrymać pastajannuju pracu. U pieršy nabor uvajšli 22 čałavieki z bolš čym 500 pretendentaŭ.
Nie ŭsie kiraŭniki ŠI-kampanij padzialajuć pazicyju Karpa. Hałoŭny navukovy supracoŭnik Microsoft Džejmi Civan ličyć, što humanitarnaja adukacyja dapamahaje raźvivać krytyčnaje myśleńnie i zdolnaść adaptavacca. Suzasnavalnica Anthropic Danieła Amadei taksama ŭpeŭnienaja, što čałaviečyja jakaści, u tym liku empatyja, kamunikabielnaść i dapytlivaść, stanuć u epochu ŠI jašče važniejšymi.
Viadomy ekanamist tłumačyć, čamu paśla 30 treba znoŭ iści vučycca, i nazyvaje samyja zapatrabavanyja kampietencyi
OpenAI płacić svaim supracoŭnikam bolš, čym luby bujny technałahičny startap u historyi
Piter Cil: Zachad uratujuć nie pryhožyja słovy, a ciažkaja praca. Hałoŭny pryncyp maje być «spracoŭvaje ci nie spracoŭvaje»
Kamientary
majo adroźnivajecca? jak dumaje moj byŭšy Mad.?)
Jak byli milarderami i prezidentami spres vyčvarency i miehałamańjaki, hetak budzie.