Va ŭmovach mocnych abstrełaŭ va Ukrainie pry niehatyŭnym scenary śviatło moža być usiaho čatyry hadziny na sutki
U toj ža čas, pry tempieratury −10°C i biez novych abstrełaŭ adklučeńni elektraenierhii mohuć doŭžycca da vaśmi hadzin na sutki.
Z-za spynieńnia pracy mnohich pramysłovych pradpryjemstvaŭ spažyvańnie elektraenierhii zastajecca nižejšym, čym da poŭnamaštabnaha ŭvarvańnia. Tamu najaŭnych hienierujučych mahutnaściej pavinna chapić dla zadavalnieńnia zimovaha popytu, ličyć analityk ExPro Darja Arłova, piša RBK-Ukraina.
Adnak na levym bierazie Dniapra ŭ Kijevie pabudavana niedastatkova hienierujučych mahutnaściej, što stvaraje ryzyki dla hetych abłaściej u vypadku paškodžańnia linij, jakija pieradajuć elektraenierhiju z zachadu na ŭschod.
Da traciny ŭsich hienierujučych mahutnaściej składajuć vuhalnyja elektrastancyi. U ich jość značnyja zapasy paliva — 1,7 młn ton vuhalu, paviedamlała byłaja ministarka enierhietyki Volha Busłaviec.
Razam z tym vuhalnyja enierhabłoki pracujuć užo 50—60 hadoŭ. Fizična jany vyčarpali svoj resurs i mohuć vychodzić sa stroju. Akramia taho, hetyja abjekty zanadta vialikija, kab ich možna było nadziejna abaranić, tamu praciŭniku lahčej vyvieści ich z ładu.
Najbolšyja ryzyki dla elektrazabieśpiačeńnia isnujuć u Kijevie i Adesie praz rehularnyja abstreły elektrasietak.
Pavodle acenki analityka, u stalicy mohuć dziejničać bolš žorstkija hrafiki adklučeńniaŭ, čym u inšych rehijonach. Ramontnyja raboty ŭskładniajucca pavietranymi tryvohami.
Pavodle acenki adnaho z kiraŭnikoŭ enierhietyčnych kampanij, pry siaredniaj tempieratury −10 hradusaŭ i biez abstrełaŭ adklučeńni mohuć doŭžycca da 8 hadzin na sutki. Pry takoj ža tempieratury, ale ŭ vypadku značnych paškodžańniaŭ enierhasistemy, śviatło moža być dastupnaje ŭsiaho 4 hadziny na sutki.
Ciapier čytajuć
U Minsku pradajuć dom na vadzie. Kolki prosiać za niezvyčajny abjekt na Čyžoŭskim vadaschoviščy?3
Kamientary