Deputat Kliševič: Pastanovačnyja «akcyi salidarnaści» za miažoj źbirajuć pa 8-10 čałaviek, a fantan u Minsku — sotni čałaviek
Praktyčna na ŭsich zamiežnych pikietach centralizavana vykarystoŭvałasia novaja, nie charakternaja dla apazicyi pratestnaja simvolika. Takoje mierkavańnie BiełTA vykazaŭ deputat Pałaty pradstaŭnikoŭ, pieršy sakratar Minskaha haradskoha kamiteta BRSM Siarhiej Kliševič.
«Infarmacyja i fotaspravazdačy ab pieršych pikietach pieršapačatkova publikavalisia ŭ zapisie adnaho čałavieka ŭ sacsietcy Facebook i paśla pieradrukoŭvalisia ŚMI. Što, miakka kažučy, kaža pra pastanovačny charaktar zamiežnych mierapryjemstvaŭ, — ličyć Siarhiej Kliševič. — Miarkuju, što supraciŭ mienavita ŭ formie akcyj «salidarnaści» — najbolš zrazumieły štamp u pieršuju čarhu dla polskich hramadzian, jakim treba pakazać i rastłumačyć stereatypny siužet pra supraciŭ dyktatury, vykarystoŭvajučy ŭ tym liku pamiać pra adnajmienny prafsajuz. Taksama, pa supadzieńni ci nie, ale mienavita ŭ Polščy prajšoŭ pieršy zamiežny pikiet u padtrymku pratestoŭcaŭ. Ale asablivuju cikavaść vyklikaje fakt, što ŭ Varšavie na toj momant byli zabaronienyja ŭsie masavyja mierapryjemstvy. Adnak dla pikietu salidarnaści la biełaruskaj ambasady čamuści zrabili vyklučeńnie».
Parłamientaryj padkreśliŭ, što značnaja častka tych, chto pražyvaŭ abo vučyŭsia ŭ blizkim i dalokim zamiežžy, na momant pačatku pandemii vyjechali ŭ Biełaruś, kab biaspłatna atrymlivać miedycynskija pasłuhi.
«Zastalisia ŭ asnoŭnym tyja, chto jurydyčna i faktyčna straciŭ suviaź z Radzimaj. Siarod takich, darečy, šmat viečnych studentaŭ — asob, jakija navučajucca pa ŭschodniejeŭrapiejskich hrantavych prahramach i žyvuć na stypiendyju hadami, źmianiajučy miesca žycharstva ŭ roznych krainach.
Takija hrupy dosyć lohka kaardynavać pa VNU i farmavać padabienstva moładzievych «masavych pikietaŭ» z 8-10 čałaviek, — adznačyŭ jon. — Što datyčycca ŭnutranaj situacyi ŭ Biełarusi, to jak tolki arhanizatary pratestnaj dziejnaści byli izalavanyja, tak zvany narodny pratest mamientalna syšoŭ na ništo. Ludzi spakojna pracujuć, vučacca, adpačyvajuć.
Z nahody śviata 3 lipienia byŭ adkryty cudoŭny fantan, i kožny viečar u jaho źbirajucca realnyja, a nie pastanovačnyja natoŭpy z sotniaŭ žycharoŭ stalicy».
Na pohlad Siarhieja Kliševiča, takaja stabilnaść unutranaj situacyi zabiaśpiečanaja ŭ pieršuju čarhu biełaruskaj mietodykaj baraćby z COVID-19, čaściakom vielmi składanaj i napružanaj dla miedykaŭ, ale vynikovaj dla hramadstva i ekanomiki.
«Prezident, jaki prymaŭ hetaje rašeńnie i nios ciažar vielizarnaj adkaznaści, akazałasia, maje racyju. My bačym, što balnicy ŭžo pierachodziać u štatny režym pracy, bolš za toje, udałosia hodna pravieści parad 9 maja, patryjatyčnaje šeście 3 lipienia i inšyja mierapryjemstvy, pryśviečanyja narodnaj pamiaci pra pieramožcaŭ. Biezumoŭna, u cełym taki vynik zabiaśpiečany toj madellu kiravańnia, jakaja dziejničaje ŭ našaj dziaržavie. Inšyja mienš centralizavanyja sistemy na takoje prosta nie zdolnyja», - zajaviŭ jon
Ciapier čytajuć
Stali viadomyja padrabiaznaści taho, jak u Vjetnamie zatrymali Vieramiejčyka2
Kamientary