Kandydat u prezidenty Śviatłana Cichanoŭskaja siońnia paśla estrannaha vykliku ŭ CVK koratka prakamientavała situacyju.
«Ja nie budu paŭtaracca i kazać toje, što raskazali vam papiarednija kandydaty [Dźmitryjeŭ i Čeračeń]. Jany ŭsio raskazali. Tolki skažu, što ŭsie našy mierapryjemstvy buduć prachodzić u štatnym režymie, ničoha nie admianiajecca. Buduć mietałašukalniki, aharodžy. Ale ničoha strašnaha, prychodźcie na pikiet», — skazała Śviatłana Cichanoŭskaja.
Nahadajem, što siońnia płanujecca vialiki mitynh u padtrymku Śviatłany Cichanoŭskaj u parku Družby narodaŭ.
Vieranika Capkała dadała, što jaje vyklikajuć u MUS pa spravie taho samaha tureckaha hramadzianina. «Mianie siońnia spynili i paprasili prajechać u milicyju (na vulicu Rozy Luksiemburh). Ale ja paprasiła zajechać paśla pasiadžeńnia ŭ CVK».
Vieranika Capkała dadała, što jaje siastru, supracoŭnicu Biełhazprambanka, nieviadomyja ludzi pasadzili ŭ mašynu i źvieźli ŭ nieviadomym kirunku.
«Ja rasceńvaju heta jak cisk na mianie, maju siamju», — skazała jana.
Kamientary