Fejkavy kanał ad imia Prakopjeva raspaŭsiudžvaje tonkija fejki
Aficyjny telehram-kanał restaratara, jaki staŭ papularnym błohieram, — heta t.me/RealVadimProkopiev. A fejkavy kanał maje inšy adras.
«Mitinh otmienien. Vłasti nie dadut sohłasija na oficialnoje proviedienije! Eto dostoviernaja informacija», — takaja infarmacyja była raspaŭsiudžanaja kanałam, jaki niby naležyć biznesoŭcu Vadzimu Prakopjevu.
Mnohija pačali šeryć jaje ŭ svaich sacsietkach.
Ale kali pryhledziecca, to aficyjny telehram-kanał restaratara, jaki staŭ papularnym błohieram, — heta https://t.me/RealVadimProkopiev. A toj, jaki pašyraŭ dadzienuju infarmacyju, maje inšy adras.
Vialiki-mitynh kancert u parku Družby Narodaŭ byŭ zapłanavany na 6 žniŭnia kamandaj Śviatłany Cichanoŭskaj jašče try tydni tamu. Adnak paśla taho jak papiaredni mitynh Cichanoŭskaj tam sabraŭ amal 70 tysiač udzielnikaŭ, ułady prydumali na hetym miescy štodzionnyja kancerty. Heta absalutna piarečyć zakanadaŭstvu, bo heta adna ź niešmatlikich placovak, praduhledžanych dla vybarčych pikietaŭ. Zrešty, ułady zaniali ŭsie placoŭki ŭ horadzie.
Cichanoŭskaja, kab paźbiehčy pravakacyj, vyrašyła siońnia nie sklikać ludziej u park Družby Narodaŭ, a naviedać niedaloki Kijeŭski skvier a 19-j. Tam adbudziecca śviata «Dzień adčynienych dźviarej ustanoŭ dadatkovaj adukacyi».
A što ž fejkavy kanał «Prakopjeva»? Jon zaklikaje «pośle raboty vsiem, kto poddierživajet Śvietłanu Tichanovskuju i chotieł pojti na mitinh — pojti v cierkvi. Pomoliťsia za nieje, matierializovať svoje žiełanije v śviatych stienach».
Ciapier čytajuć
Pamiatajecie ŭkrainku, jakuju rasijanie pryviazali da słupa? Tyja, chto jaje katavaŭ, za hady vajny amal usie zahinuli. A voś što robić ciapier jana2424
Kamientary