Cichanoŭskaja nie budzie pravodzić mitynh na Banhałory, ale pryjdzie na śviata ŭ Kijeŭskim skviery
Voś videazvarot Abjadnanaha štaba:
Kamanda kandydata ŭ prezidenty Śviatłany Cichanoŭskaj pryniała rašeńnie nie pravodzić ahitacyjny mitynh u parku Družby narodaŭ u čaćvier viečaram, raspaviała TUT.BY pres-sakratar kandydata Hanna Krasulina.
— Na elektronnuju poštu Śviatłany Cichanoŭskaj pryjšło paviedamleńnie pra śviata čyhunačnych vojskaŭ u parku Družby narodaŭ. Nam nie dajuć pravieści mitynhi ni na adnoj placoŭcy Minska hetak ža, jak u Słucku i Salihorsku. Heta absalutna niezakonnyja dziejańni ŭładaŭ, my abskardzili hetaje rašeńnie ŭ Hienieralnuju prakuraturu, CVK i Minharvykankam, ale my nie budziem pravakavać ludziej.
Jak hramadzianka Respubliki Biełaruś Śviatłana Cichanoŭskaja razam z Maryjaj Kaleśnikavaj i Vieranikaj Capkała płanujuć u 19:00 naviedać śviata «Dzień adčynienych dźviarej ustanoŭ dadatkovaj adukacyi», jakoje haradskija ŭłady arhanizujuć siońnia ŭ Kijeŭskim skviery, — zajaviła Krasulina.
U štabie taksama ŭpeŭnienyja, što ŭłady harantujuć biaśpieku ŭsich tych, chto sabraŭsia, što jany abaviazanyja rabić u adpaviednaści z zakonam.
Siońnia dniom supracoŭniki ŭpraŭleńnia pa baraćbie z arhanizavanaj złačynnaściu i karupcyjaj papiaredzili načalnika štaba Cichanoŭskaj Maryju Maroz ab adkaznaści za arhanizacyju «niesankcyjanavanych mierapryjemstvaŭ».
Ciapier čytajuć
ZŠA paviedamili, što vyzvaleńnie palitviaźniaŭ u Biełarusi «adkładzienaje na niekatory čas»24
ZŠA paviedamili, što vyzvaleńnie palitviaźniaŭ u Biełarusi «adkładzienaje na niekatory čas»
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1313
Kamientary