Deputat Pałaty pradstaŭnikoŭ Ihar Marzaluk staŭ hościem prahramy na STB, u jakoj jon parazvažaŭ pra zdradu i źmianieńnie palityčnaha punktu hledžańnia.
«Kali kazać pra toje, što takoje zdrada, heta zdrada svajoj krainie. Zdradnik — heta toj, chto za čužyja hrošy imkniecca na škodu svajoj dziaržavie pravieści čužy, varožy dla krainy paradak dnia, meta jakoha zaŭsiody zaniavoleńnie krainy, źniščeńnie suvierenitetu i źniščeńnie pry dapamozie źniešnich sił usiaho taho, što składaje asnovu, ja b tak skazaŭ, biełaruskaha ładu žyćcia. Voś heta i jość zdrada», — ličyć deputat.
«Usie viedajuć u krainie, što jość kaladnyja sustrečy, stary Novy hod, kali prezident zaprašaje tych, chto ź jaho punktu hledžańnia najbolš adznačyŭsia, uznaharodžanych, i ŭsie razam śviatkujuć zaviaršeńnie navahodnich śviat. Tam ža ŭručajuć i ŭznaharody, tak było i ŭ pačatku hetaha hoda. Mnie niezrazumieła (ja tam byŭ): na hetym starym Novym hodzie była Alaksandra Hierasimienia, jana padymała zdravicu, jak i ŭsie, za kiraŭnika dziaržavy. Jana była pobač, jana tancavała ŭ hetym samym kruzie. <…> Ci Staniuta, jakaja była na adkryćci restarana «Lebiadziny» ŭ śniežni 2019 hoda, ja tam taksama byŭ. U jaje «haračaj maraj» było anhažavać na bieły taniec kiraŭnika dziaržavy», — śćviardžaje Marzaluk.
Kamientary