Na ŭčastku Minsk — Asipovičy na dva dni źmienicca raskład ruchu ciahnikoŭ
Biełaruskaja čyhunka paviedamiła pra časovuju źmienu raskładu ruchu ciahnikoŭ na ŭčastku Minsk — Asipovičy 4 i 5 žniŭnia. Pryčynaj stanuć płanavyja ramontnyja raboty na čyhunačnym moście na pierahonie Puchavičy — Talka.
U hetyja dni šerah ciahnikoŭ mižrehijanalnych i rehijanalnych linij budzie kursiravać pa źmienienym raskładzie abo inšym maršrucie, a asobnyja rejsy časova admianiajucca.
4 žniŭnia admianiajucca nastupnyja ciahniki:
- №708 Minsk — Homiel;
- №740 Minsk — Homiel;
- №715 Homiel — Minsk;
- bieśpierasadačnyja vahony Homiel — Hrodna — Homiel.
5 žniŭnia nie buduć kursiravać:
- №707 Homiel — Minsk;
- №755 Homiel — Minsk;
- №716 Minsk — Homiel;
- №622 Minsk — Homiel.
Niekatoryja ciahniki buduć iści sa źmienienym maršrutam abo raskładam:
4 žniŭnia:
- ciahnik №874 Mazyr — Asipovičy adpravicca z Mazyra ŭ 17:57 i prybudzie ŭ Asipovičy ŭ 20:38;
- ciahnik №876 Asipovičy — Mazyr adpravicca ŭ 20:54 i prybudzie ŭ Mazyr u 23:50.
5 žniŭnia:
- ciahnik №742 Minsk — Mahiloŭ adpravicca ŭ 9:15 i budzie iści praz stancyju Orša-Centralnaja, prybyŭšy ŭ Mahiloŭ u 12:46;
- ciahnik №744 Mahiloŭ — Minsk adpravicca ŭ 7:15, taksama praz Oršu-Centralnuju, i prybudzie ŭ Minsk u 10:47;
- ciahnik №876 Mazyr — Minsk adpravicca ŭ 7:57 i prybudzie ŭ stalicu ŭ 12:27;
- ciahnik №757 Homiel — Minsk zamiest zvyčajnaha času adpravicca ŭ 9:52 i prybudzie ŭ Minsk u 13:44.
Kab zabiaśpiečyć pieravozku pasažyraŭ, Biełaruskaja čyhunka pryznačyć dadatkovyja rejsy pamiž Minskam i Homielem, a taksama pamiž Homielem i Asipovičami.
4 žniŭnia buduć kursiravać:
- ciahnik №693/672 Homiel — Minsk — Homiel. Z Homiela jon adpravicca ŭ 9:05 i prybudzie ŭ Minsk u 13:28. U zvarotnym napramku vyjedzie ź Minska ŭ 15:52 i prybudzie ŭ Homiel u 19:31;
- ciahnik №621 Homiel — Minsk praz Kalinkavičy i Oršu-Centralnuju. Jon adpravicca z Homiela ŭ 22:10 i prybudzie ŭ Minsk 5 žniŭnia ŭ 8:42;
- ciahnik №642 Minsk — Homiel vyjedzie sa stalicy ŭ 21:00, projdzie praz Oršu-Centralnuju i prybudzie ŭ Homiel 5 žniŭnia ŭ 7:29;
- ciahnik №885/886 Homiel — Asipovičy — Homiel adpravicca z Homiela ŭ 19:08 i prybudzie ŭ Asipovičy ŭ 21:16. Nazad jon adpravicca 5 žniŭnia ŭ 8:08 i prybudzie ŭ Homiel u 10:16.
Akramia taho, na ŭčastku Minsk — Asipovičy ŭ hetyja dni budzie źmienieny raskład ruchu ciahnikoŭ rehijanalnych linij ekanomkłasa, a častka rejsaŭ budzie admieniena.
Na pierahonie Puchavičy — Talka pamiž asobnymi ciahnikami dla pasažyraŭ arhanizujuć aŭtobusnyja pieravozki. Skarystacca imi možna budzie pa dziejnych čyhunačnych kvitkach.
Kamientary