Pamior mastacki kiraŭnik i hałoŭny dyryžor Nacyjanalnaha akademičnaha narodnaha choru Respubliki Biełaruś imia H. I. Citoviča Michaił Drynieŭski. Jamu było 79 hadoŭ.
Michaił Paŭłavič Drynieŭski — zasłužany dziejač mastactvaŭ BSSR (1978), łaŭreat Dziaržaŭnaj premii BSSR (1982), narodny artyst BSSR (1987), uznaharodžany ordenam Pracoŭnaha Čyrvonaha Ściaha (1986), miedalom Francyska Skaryny (1990), ordenam Francyska Skaryny (2002), prafiesar.
Naradziŭsia ŭ vioscy Toniež Turaŭskaha rajona Homielskaj vobłaści (BSSR). U 13 hadoŭ pačaŭ pracavać kiraŭnikom choru kałhasa «Trud» u vioscy Toniež.
U 1959 hodzie pastupiŭ u Homielskaje muzyčnaje vučylišča, jakoje skončyŭ u 1963 h. U čas vučoby Michaił Drynieŭski pracavaŭ z narodnym choram vioski Prybytka Homielskaha rajona, dziciačym choram Pałaca pijanieraŭ h. Homiela.
U 1963 hodzie pastupiŭ u Biełaruskuju dziaržaŭnuju kansiervatoryju im. A. V. Łunačarskaha (kłas H. P. Zielankovaj), paśla zakančeńnia jakoj byŭ nakiravany na pracu ŭ Minskaje muzyčnaje vučylišča. Z 1973 hodzie M. Drynieŭski — hałoŭny chormajstar, z 1975 h. — mastacki kiraŭnik Narodnaha choru Respubliki Biełaruś imia H. I. Citoviča.
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek1
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2323
Kamientary