«Pahražali, što zabiaruć dzicia», — traktaryst-błohier z Chojnikaŭ paprasiŭ palityčnaha prytułku ŭ Łatvii
Mechanizatar Jaŭhien Vasilkoŭ z Chojnickaha rajonu paśla pieraśledu ŭładaŭ ź siamjoj źjechaŭ ź Biełarusi.
Traktaryst-błohier Jaŭhien Vasilkoŭ raspavioŭ «Svabodzie» pra pryčyny svajho adjezdu ŭ Łatviju. Tam jon paprasiŭ palityčnaha prytułku.
Źjaždžać ź Biełarusi jon nie chacieŭ.
«Ale ŭ mianie nie było vybaru… Milicyja skłała pratakoł za ekstremizm. Pahražali mnie za toje, što ja zdymaju roliki pra bardak u Chojnickim rajonie. Milicyjanty skazali, što praz takuju dziejnaść u nas mohuć zabrać dzicia, jakoje my ŭsynavili, bo jana sirata, i joj niama jašče i piaci hadoŭ», — raspavioŭ Jaŭhien Vasilkoŭ.
U Łatvii jon atrymaŭ padtrymku — i ad uładaŭ, i ad biełaruskaj dyjaspary.
«Umovy tut narmalnyja, nie prapadziom, ja dumaju. Tut, u Łatvii, sustreŭsia z takimi ludźmi, nia toje, što ja traktaryst, a režysery, spartoŭcy, advakaty, ludzi, jakija źjechali ź dziećmi… Spadziajusia, što zmahu viarnucca dachaty, choć tak baču, što ŭsio zaciahnułasia», — dadaŭ Jaŭhien.
Uvosień 2020 hodu Jaŭhien Vasilkoŭ praz palityku adsiadzieŭ «sutki», straciŭ pracu. Paśla vybaraŭ jon udzielničaŭ u akcyjach pratestu ŭ Chojnikach.
U śniežni 2020 hodu na Jaŭhiena Vasilkova milicyja skłała pratakoł za «ekstremizm». Tak milicyja rascaniła pieradruk materyjałaŭ na kanale «Chojniki dla žyćcia» z telehram-kanału, jaki ŭ Biełarusi aficyjna pryznali ekstremisckim.
Jaŭhien Vasilkoŭ žyŭ u vioscy Vić Chojnickaha rajonu, pracavaŭ traktarystam. Šyrokuju hramadzkaść jon nabyŭ paśla roliku, u jakim razvažaŭ pra niesumlennyja vybary z punktu pohladu viaskoŭca. 3 žniŭnia jaho zatrymała milicyja za «niepadparadkavańnie».
Jaŭhien atrymaŭ pa rašeńni sudu 10 dzion aryštu. Hety aryšt vyklikaŭ rezanans. Ludzi pačali akcyju dapamohi siamji traktarysta — pieraličvali hrošy, pieradavali rečy dla dziaciej.
Paźniej Jaŭhien straciŭ pracu. Jon udzielničaŭ u akcyjach pratestu ŭ Chojnikach, vioŭ youtube-kanały «Chroniki mechanizatara» i «Chojniki dla žyćcia».
U apošnich rolikach aŭtar błohaŭ zasiarodziŭsia na biezhaspadarčaści i hibiejučych vioskach u Chojnickim rajonie.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary