U Varšavie aryštavali Marcina N., jaki napaŭ na Alaksandru Hierasimieniu
Jon abvinavačvajecca adrazu ŭ troch chulihanskich złačynstvach, jamu pahražaje da troch hadoŭ źniavoleńnia.
Prakuratura varšaŭskaha rajona Achota raspačała spravu suprać Marcina N., jakoha padazrajuć u ździajśnieńni troch chulihanskich złačynstvaŭ u pieryjad z 10 pa 11 lipienia na aŭtavakzale PKS Warszawa Zachodnia, piša «Biełsat».
U vyniku hetych dziejańniaŭ jon napadaŭ na roznych ludziej, u tym liku na byłuju vice-čempijonku Alimpijskich hulniaŭ pa płavańni Alaksandru Hierasimieniu
U paviedamleńni Prakuratury havorycca, što aryštavany Marcin N. pryznaŭ vinu i ŭ svaich tłumačeńniach zajaviŭ, što paciarpiełyja «byli jaho siabrami, jakim jon pazyčyŭ hrošy, a ciapier jany jaho nie paznajuć».
«U śviatle sabranych dokazaŭ škoda biełaruskaj vice-čempijoncy Alimpijskich hulniaŭ pa płavańni nie była ździejśniena padazravanym z-za nacyjanalnaj prynaležnaści paciarpiełaj. Na ciapierašnim etapie razboru vyśviatlajecca, ci byli inšyja paciarpiełyja, a taksama ci isnuje nieabchodnaść praviadzieńnia adnarazovaha sudova-psichijatryčnaha abśledavańnia padazravanaha», — paviedamlaje Prakuratura.
Zaraz Marcin N. aryštavany terminam na try miesiacy, jamu pahražaje pakarańnie pa artykułach 57 i 217 Kryminalnaha kodeksa Polščy, jakija praduhledžvajuć pazbaŭleńnie voli terminam da troch hadoŭ.
Nahadajem, pra napad na alimpijskuju pryziorku paviedamiła jaje siabroŭka Natalla Radzina. Sa słovaŭ Radzinaj, Hierasimienia pryjechała na aŭtavakzał pa spravach. Raptam da jaje sa śpiny padyšoŭ nieviadomy mužčyna hadoŭ 35‑ci i ŭdaryŭ kułakom pa hałavie. Pry hetym ničoha nie skazaŭ i adrazu syšoŭ.
«Saša ad šoku i bolu nie adrazu zrazumieła, što adbyłosia. Klikać na dapamohu nie było kaho, ludzi śpiašalisia na svaje rejsy i navat nie źviarnuli ŭvahi na toje, što adbyvałasia. Saša ž, kali pryjšła ŭ siabie, pajechała ŭ palicyju», — paviedamlała Natalla Radzina.
Jaje siabroŭka pajechała ŭ pastarunak da Hierasimieni. Tam u jaje prysutnaści rabotnica palicyi skazała, što znajści złačyncu budzie davoli składana: nie fakt, što incydent trapiŭ na kamiery, nieviadoma, jakoj jakaści budzie karcinka, kali videazapis usio ž budzie, i, mahčyma, hetaha čałavieka nie budzie ŭ palicejskaj kartatecy. A kali jaho ŭsio ž znojduć, to naŭrad ci pasadziać: pakolki traŭmy niaciažkija i niabačnyja, heta ličycca drobnym chulihanstvam.
Ciapier čytajuć
Vyjšaŭ na svabodu vybitny chirurh Andrej Lubiecki11
Vyjšaŭ na svabodu vybitny chirurh Andrej Lubiecki
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA77
Kamientary
Kolki było śćviardžeńniaŭ, što heta dakładna karnik, jakija navat pryjechaŭ u inšuju krainu.
Pieravažnaja bolšaść łukašysckich karnikaŭ nieadekvaty, z čaho nie vynikaje, što kožny nieedekvat u suśviecie - karnik.
I tyja, chto budzie zaraz razhaniać pra drennych palakaŭ, taksama ŭčytajciesia: chulihanstva nie mieła nacyjanalnyja matyvy.