Zatrymanych anarchistaŭ vinavaciać u stvareńni złačynnaj hrupy dla «zachopu ŭłady»
Zatrymanyja ŭ Minsku anarchisty prachodziać pa kryminalnaj spravie ab masavych biesparadkach. Jak paviedamlaje pres-słužba MUS, jany źjaŭlajucca členami mižnarodnaj arhanizacyi, metaj jakoj było hvałtoŭnaje źmianieńnie kanstytucyjnaha ładu abo terytaryjalnaj cełasnaści Biełarusi.
Rehijanalnuju hrupu biełaruskich anarchistaŭ vyjaviŭ HUBAZiK.
Pres-słužba MUS paviedamlaje, što siarod zatrymanych — 26-hadovaja dziaŭčyna i troje maładych ludziej (20, 24 i 30 hadoŭ). Jany ŭvachodzili ŭ skład abjadnańnia «Revalucyjnaje dziejańnie» («Aŭtanomnaje dziejańnie — Biełaruś»).
Paviedamlajecca, što ŭdzielniki jačejki dziejničali i raniej, u pryvatnaści, zakidali kaktejlami Mołatava budynki padatkovaj inśpiekcyi ŭ Homieli i Hałasieŭskaha suda Kijeva ŭ 2016 hodzie, rasijskaha pasolstva ŭ Minsku i Upraŭleńnia KDB u Babrujsku ŭ 2010 hodzie, a taksama «apahańvali roznyja budynki nadpisami i vyjavami radykalnaha tołku». Z 2017 hoda dziaŭčyna raźmiaščała ŭ adkrytym dostupie publikacyi, jakija źmiaščajuć zakliki da hvałtu ŭ dačynieńni da pradstaŭnikoŭ ułady.
Paviedamlajecca, što anarchisty rehularna čytali lekcyi, pravodzili sieminary i palavyja zbory, dzie navučali supraćstajańniu pravaachoŭnym orhanam, u tym liku padčas załanavanych bajavych dziejańniaŭ i pratestaŭ, a finansavańnie ažyćciaŭlałasia z-za miažy, u tym liku mižnarodnymi anarchisckimi arhanizacyjami takimi jak «anarchičny Čorny Kryž».
Zatrymanyja znachodziacca ŭ SIZA ŭ jakaści fihurantaŭ kryminalnaj spravy pa masavych biesparadkach u Minsku.
Adznačajecca, što sabranyja materyjały pa inšych radykalnych anarchistach. Toj, chto pierabraŭsia za miažu, budzie abvieščany ŭ vyšuk.
Učora Radyjo Svaboda paviedamiła, što, mahčyma, Alaksandr Franckievič, Akichira Hajeŭski-Chanada i Andrej Čapiuk padazrajucca va «ŭdziele ŭ złačynnaj arhanizacyi». Svajaki paviedamili, što suprać ich pačali kryminalnuju spravu pavodle č. 2 art. 285 Kryminalnaha kodeksu («Udzieł u złačynnaj arhanizacyi ŭ luboj inšaj formie»).
Usie jany byli zatrymanyja ŭ siaredzinie žniŭnia.
Pryčym Franckievič u 2011 h. byŭ asudžany na try hady pa abvinavačvańni ŭ złosnym chulihanstvie, naŭmysnym paškodžańni majomaści i niesankcyjanavanym dostupie da kampjutarnaj infarmacyi. Raniej jon i jašče čaćviora jaho paplečnikaŭ byli zatrymanyja pa padazreńni ŭ padpale rasijskaj ambasady i Centra izalacyi pravaparušalnikaŭ na Akreścina.
Chłopiec vyjšaŭ na volu ŭ vieraśni 2013 hoda, a ŭ 2015-m źjechaŭ u Kijeŭ, dzie atrymaŭ dazvoł na žycharstva.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary