Pradstaŭnik Uzbrojenych sił: Na vajskovuju adukacyju pastupajuć i chłopcy, jakija nabirajuć 400 bałaŭ z 400 mahčymych
Namieśnik načalnika ŭpraŭleńnia vajskovaj adukacyi Uzbrojenych sił Biełarusi Andrej Paŭluščyk kaža, što sioleta prachadny bał na vajskovyja śpiecyjalnaści — 200‑240 (za try ispyty i atestat).
«Prychodziać i chłopcy, jakija nabirajuć 400 bałaŭ z 400 mahčymych, — śćviardžaje Paŭluščyk u efiry STB. — Dumaju, prachadnyja bały ŭ vajskovyja navučalnyja ŭstanovy ŭ hetym hodzie, jak i ŭ minułym, znoŭ ździviać i stanuć bolšymi, čym letaś».
«U nas navučańnie ŭ sistemie vajskovaj adukacyi arhanizavana dla padrychtoŭki kadravych aficeraŭ. Heta Vajskovaja akademija, vajskovyja fakultety i Vajskova-miedycynski instytut. A vajskovyja kafiedry — heta tyja padraździaleńni sistemy vajskovaj adukacyi, jakija rychtujuć aficeraŭ zapasu», — patłumačyŭ Paŭluščyk.
Jon raskazaŭ pra źmieny ŭ prahramach. «Adnoje z novaŭviadzieńniaŭ, jakoje ŭ hetym hodzie budzie ŭviedziena ŭ sistemu padrychtoŭki, — uviadzieńnie zaniatkaŭ fizičnaj kultury na vajskovych kafiedrach. U tym liku paśla navučańnia na vajskovaj kafiedry studenty buduć zdavać peŭnyja narmatyvy, kantrolnyja zaniatki vykonvać, paśla čaho buduć atestoŭvacca ŭ aficerski skład».
Kamientary
Tolki tatalnyja duby.