Hałoŭny dyrektar Google Sundar Pičai robić vialikuju staŭku na štučny intelekt, jaki ŭ budučyni budzie zajmać centralnaje miesca ŭ dziejnaści technałahičnaha hihanta. Kampanija inviestuje miljardy dalaraŭ u raźvićcio technałohij na asnovie štučnaha intelektu.
Adnak za apošni čas u kampanii ŭźnikała šmat sprečak z daśledčykami ŭ hetaj halinie, piša The Wall Street Journal.
Adzin z samych hučnych kanfliktaŭ adbyŭsia ŭ śniežni, kali Google rasstaŭsia ź viadomaj daśledčycaj štučnaha intelektu Cimnit Hiebru paśla taho, jak jana raskrytykavała kampaniju za padychod da raspracoŭvańnia technałohij. Jaje daśledavańni vyjavili, što Google niedastatkova aściarožny ŭ raspracoŭcy takich mahutnych technałohij, a taksama nie ŭličvaje, jak jany buduć upłyvać na navakolnaje asiarodździe.
Z taho času kala 2700 supracoŭnikaŭ Google padpisali publičny list, dzie śćviardžajecca, što «sychod Cimnit Hiebru praročyć niebiaśpieku dla ludziej, jakija pracujuć nad raspracoŭkaj etyčnaha i pravamiernaha štučnaha intelektu».
Za padychodam Google da raspracoŭki štučnaha intelektu sočać mnohija ekśpierty, bo kampanija źjaŭlajecca hałoŭnym sponsaram daśledavańniaŭ u hetaj halinie. Kampanija šmat inviestuje ŭ raspracoŭku novych dadatkaŭ dla technałohij štučnaha intelektu, ad razumnych kałonak da virtualnych pamočnikaŭ. Rost papularnaści hetaj haliny ŭzdymaje pytańni sprečki nakont upłyvu kampjutarnych ałharytmaŭ na šyroki śpiektr hramadskaha i asabistaha žyćcia ludziej.
Google imkniecca pazicyjanavać siabie jak raspracoŭščyka etyčnaha štučnaha intelektu. «U historyi šmat prykładaŭ, kali raźvićcio technałohij išło nie na karyść śvietu, — adznačaje Sundar Pičai. — U toj čas, jak štučny intelekt abiacaje šmat vyhod dla ŭsiaho śvietu, niebiaśpieka patencyjnych niehatyŭnych nastupstvaŭ zastajecca».
Ciapier čytajuć
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku3
Kamientary