Pradavać kvitki na abnoŭleny śpiektakl «Paŭlinka» ŭ Kupałaŭskim teatry pačnuć z 23 lutaha. Pra heta paviedamiŭ ministr kultury Anatol Markievič u intervju «Konturam» na ANT, piša BiełTA.
«Z 23 lutaha budzie arhanizavany prodaž kvitkoŭ, a sam śpiektakl «Paŭlinka» projdzie 3, 5, 6 i 7 sakavika 2021 hoda. Ja ŭpeŭnieny, my zrobim dobry padarunak lubimym žančynam našaj krainy», — skazaŭ Anatol Markievič.
Paviedamlajecca, što ŭ abnoŭlenym śpiektakli buduć hrać nie tolki akciory Kupałaŭskaha z raniejšaj trupy, ale i moładź — studenty Univiersiteta kultury.
Nahadajem, što bolšaść akcioraŭ Kupałaŭskaha teatra (bolš za try dziasiatki čałaviek) zvolnilisia ŭ žniŭni paśla taho, jak zvolnili dyrektara Paŭła Łatušku. Ciapier na sajcie Kupałaŭskaha teatra skład trupy naličvaje 10 čałaviek.
U piatnicu Kupałaŭski teatr naviedaŭ Alaksandr Łukašenka, jaki sustreŭsia z pazastałymi akciorami, a taksama supracoŭnikami ŭstanovy i paabiacaŭ padtrymku. Jamu taksama pakazali «Paŭlinku».
Jak adznačaje Tut.by, u novym śpiektakli ŭdzielničaje 15 maładych akcioraŭ. Piaciora ź ich vučacca na čaćviortym, vypusknym kursie BDUK u Zinaidy Pasiucinaj: heta Illa Kruk, Stanisłaŭ Arciemjeŭ, Śviatłana Hulevič, Marharyta Harbačova i Nadzieja Azaranka. Rolu Paŭlinki vykanała Anastasija Varanko, studentka druhoha kursa BDUK.
Mastackim kiraŭnikom pastanoŭki źjaŭlajecca Volha Niafiodava, režysior śpiektakla — studentka Biełaruskaj akademii mastactvaŭ Zinaida Viadzienina.
U siužecie na «Biełaruś-1» taksama skazali, što na scenie Kupałaŭskaha ŭ sakaviku čakajecca niekalki pastanovak.
Minsk siońnia viečaram pahruziŭsia ŭ ciemru. Paśla zahadu Łukašenki51
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary