Прадаваць квіткі на абноўлены спектакль «Паўлінка» ў Купалаўскім тэатры пачнуць з 23 лютага. Пра гэта паведаміў міністр культуры Анатоль Маркевіч у інтэрв'ю «Контурам» на АНТ, піша БелТА.
«З 23 лютага будзе арганізаваны продаж квіткоў, а сам спектакль «Паўлінка» пройдзе 3, 5, 6 і 7 сакавіка 2021 года. Я ўпэўнены, мы зробім добры падарунак любімым жанчынам нашай краіны», — сказаў Анатоль Маркевіч.
Паведамляецца, што ў абноўленым спектаклі будуць граць не толькі акцёры Купалаўскага з ранейшай трупы, але і моладзь — студэнты Універсітэта культуры.
Нагадаем, што большасць акцёраў Купалаўскага тэатра (больш за тры дзясяткі чалавек) звольніліся ў жніўні пасля таго, як звольнілі дырэктара Паўла Латушку. Цяпер на сайце Купалаўскага тэатра склад трупы налічвае 10 чалавек.
У пятніцу Купалаўскі тэатр наведаў Аляксандр Лукашэнка, які сустрэўся з пазасталымі акцёрамі, а таксама супрацоўнікамі ўстановы і паабяцаў падтрымку. Яму таксама паказалі «Паўлінку».
Як адзначае Tut.by, у новым спектаклі ўдзельнічае 15 маладых акцёраў. Пяцёра з іх вучацца на чацвёртым, выпускным курсе БДУК у Зінаіды Пасюцінай: гэта Ілля Крук, Станіслаў Арцем'еў, Святлана Гулевіч, Маргарыта Гарбачова і Надзея Азаранка. Ролю Паўлінкі выканала Анастасія Варанко, студэнтка другога курса БДУК.
Мастацкім кіраўніком пастаноўкі з'яўляецца Вольга Няфёдава, рэжысёр спектакля — студэнтка Беларускай акадэміі мастацтваў Зінаіда Вядзеніна.
У сюжэце на «Беларусь-1» таксама сказалі, што на сцэне Купалаўскага ў сакавіку чакаецца некалькі пастановак.
-
Прыцкераўская прэмія 2026 года дасталася чылійцу, які стварае міражы. Яго эстэтыка крохкасці перамагла манументальны пафас
-
Мінская мастачка кажа, што 10 гадоў таму ў яе забрала карціны куратарка выставы — і дагэтуль не вярнула. А сама эмігравала
-
Ультыматум Пуціну з лазні і абмеркаванне бургераў. Новыя пародыі на Лукашэнку рвуць інстаграм
Цяпер чытаюць
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою14
Каментары