Palitviaźniu Uładzimiru Cyhanoviču vystavili novyja abvinavačvańni
Cyhanovič (błohier MozgON) pieradaŭ ź SIZA zapisku, dzie raskazaŭ, što jamu vystavili abvinavačvańni pavodle art. 13 č. 2 art. 293 KK RB (Padrychtoŭka da ŭdziełu ŭ masavych biesparadkach), paviedamlaje spring96.org.
«Dopytaŭ pa sutnaści niama, choć pa spravie pracujuć kala 50 śledčych», — adznačaje jon u zapiscy.
Cyhanovič zaznačaje, što jamu niezrazumiełyja hetyja abvinavačvańni, bo padčas «masavych biesparadkaŭ» (žnivień 2020 hoda) jon užo znachodziŭsia ŭ SIZA-1, bo byŭ zatrymany 9 červienia 2020 hoda i pieršapačatkova abvinavačvaŭsia ŭ č 2. art 342 KK RB (Navučańnie ci inšaja padrychtoŭka asob dla ŭdziełu ŭ hrupavych dziejańniach, jakija hruba parušajuć hramadski paradak), što śledstva źviazvaje sa «spravaj Cichanoŭskaha». Ale Cyhanovič adznačaje, što da hetaj spravy nie maje nijakaha dačynieńnia.
Uładzimir Cyhanovič ličyć, što novyja abvinavačvańni jamu byli vyłučanyja dla taho, kab «nie vypuskać» jaho ź SIZA. Akramia taho, jon upeŭnieny, što kryminalny pieraśled — heta pomsta za krytyku dziaržaŭnych orhanaŭ. Bo Cyhanovič taksama viadomy jak błohier «MozgON», i na svaim youtube-kanale jon raźmiaščaŭ repartažy, dzie krytykavaŭ sacyjalna-ekanamičnyja prablemy ŭ Biełarusi.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary