Zatrymany błohier Uładzimir Cyhanovič (MozgON). Dźvie hadziny tamu jaho siłaj vyciahnuli z mašyny i biez tłumačeńnia pryčyn advieźli ŭ RAUS, paviedamlaje Nexta.
Pra zatrymańnie błohiera taksama paviedamlaje «Maja kraina Biełaruś».
Pa infarmacyi ad znajomaj zatrymanaha błohiera, jaho adpravili adbyvać 15 sutak aryštu, jakija jamu zavočna prysudzili amal try miesiacy tamu.
12 sakavika ŭ sudzie Maskoŭskaha rajona Minska adbyŭsia razhlad administracyjnaj spravy ŭ dačynieńni da Uładzimira Cyhanoviča pa art. 23.34 KaAP (udzieł ci arhanizacyja niesankcyjanavanaha masavaha mierappryjemstva). Błohiera abvinavačvali ŭ tym, što jon 24 lutaha ŭ svaim telehram-kanale zaklikaŭ ludziej pryjści da «Biełnaftachimu», kab abmierkavać prablemu pavyšeńnia koštaŭ na paliva.
Tady sudździa Lidzija Cielica vielmi chutka vyniesła rašeńnie pakarać Cyhanoviča aryštam na 15 sutak. Ale ŭ toj dzień błohiera nie zatrymali, aryšt byŭ adkładzieny amal na try miesiacy.
Błohier Uładzimir Cyhanovič, jaki viadzie youtube-kanał MozgOn, užo raniej siadzieŭ na sutkach za zakliki ŭ internecie da ŭdziełu ŭ niesankcyjanavanym masavym mierapryjemstvie.
Uładzimir Cyhanovič — viadomy błohier, jaki chavajecca pad nikam MozgOn. Na jahony jutub-kanał padpisany dziasiatki tysiač karystalnikaŭ. Mazhon staŭ adnym z najbolš radykalnych krytykaŭ siońniašniaj ułady ŭ internecie. Niekalki razoŭ jon arhanizoŭvaŭ vuličnyja schody, u tym liku suprać pavyšeńnia cen na paliva.
Čytajcie taksama: «Jany absalutna adekvatnyja» — u kamandu homielskaha błohiera MozgOn uvajšli «žyvyja čałavieki», adepty BSSR
Ciapier čytajuć
U Minsku pradajuć dom na vadzie. Kolki prosiać za niezvyčajny abjekt na Čyžoŭskim vadaschoviščy?3
Kamientary